मंचर (पुणे) : मंचर शहरात कोरोनाने थैमान घातले आहे. या पार्श्वभूमीवर ग्रामस्थ व व्यापाऱ्यांनी कोरोना संसर्गाची साखळी तोडण्यासाठी गुरुवारपर्यंत (ता. 17) शहरात पुन्हा लॉकडाउन वाढविण्याचा निर्णय घेऊन अंमलबजावणी सुरु केले आहे. यापूर्वी शनिवार (ता. 5) ते शुक्रवारपर्यंत (ता. 11) शहर बंद ठेवले होते. 
मंचर शहरात गेली दोन दिवस धारावी पॅटर्नप्रमाणे जम्बो सर्वेक्षण करण्यात आले. कोरोनाचे संकट आटोक्यात आणण्यासाठी ग्रामपंचायत कार्यालयात बैठक झाली.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

भीमाशंकर कारखान्याचे अध्यक्ष बाळासाहेब बेंडे, अरुणा थोरात, राजाराम बाणखेले, बाळासाहेब बाणखेले, दत्ता गांजाळे, संजय थोरात, राजू इनामदार, अल्लू इनामदार, वसंतराव बाणखेले, युवराज बाणखेले, अजय घुले, राजेंद्र थोरात, महेश मोरे, ग्रामस्थ व व्यापारी उपस्थित होते. त्यात गुरुवारपर्यंत (ता. 17) शहर बंद ठेवण्याचा निर्णय घेण्यात आला. 

Breaking : राज्य सरकारने रेडी-रेकनरच्या दरात केली वाढ; सर्वाधिक पुणे जिल्ह्यात तर...

 

मंचर शहरात गेल्या दोन दिवसात 30 हजार नागरिकांच्या केलेल्या सर्वेक्षणात 210 जण पॉझिटिव्ह आढळून आले आहेत. आतापर्यंत एकूण पॉझिटिव्ह आलेल्या रुग्णांची संख्या 758 झाली आहे. 372 जण अवसरी खुर्द येथील शासकीय तंत्रनिकेतन महाविद्यालय कोविड सेंटर, मंचर उपजिल्हा रुग्णालय, भीमाशंकर हॉस्पिटल येथे उपचार घेत आहेत. नागरिकांनी प्रशासनाला सहकार्य करावे. 
- सचिन उंडे, ग्रामविकास अधिकारी, मंचर