सासवड (पुणे) : पुरंदर तालुक्यातील सासवड शहरात कंटेन्मेंट झोनमधील लाॅकडाउन कायम ठेवला आहे. तसेच, उर्वरित शहरात लाॅकडाउन व्यापाऱ्यांसह सर्व व्यावसायिकांसाठी शिथिल केला आहे. मात्र, शिस्त न पाळल्यास दुकानदारांवर दंडात्मक कारवाई करण्यासाठी आठ पथके तैनात केली आहेत. शिस्त पाळूनच धंदा करण्याचे अधिकाऱ्यांनी बजावले आहे. 

खेकडे, मासे पकडणाऱ्यांच्या हाती आले टॅब

सासवड शहरात लाॅकडाउन असतानाही पाॅझिटिव्ह रुग्ण सापडण्यात खंड पडलेला नाही. त्यामुळे आज प्रशासनाची तातडीची बैठक झाली. त्यात वरील निर्णय घेण्यात आले. आमदार संजय जगताप, तहसीलदार रुपाली सरनौबत, नगरपालिकेचे मुख्याधिकारी विनोद जळक या वेळी उपस्थित होते. 

शिरूर- हवेलीतील कुटुंबांना माहेरचा आधार

या वेळी आमदार जगताप म्हणाले की, सासवड शहरातील रुग्ण संख्या आज 31 वर पोचून तालुका 50 वर पोचला. मुंबई व पुणे कनेक्शनमधून सारे बाधीत पुढे आलेत. त्यातून काही तरी बोध घेऊन प्रत्येकाने स्वतः त्रिसूत्रीची शिस्त पाळावी. लढाई सर्वांनीच एकत्रित लढलीच पाहीजे. शिस्त न पाळल्यास कोरोना व प्रशासन गय करणार नाही. 

दिव्यांग विद्यार्थ्यांना आॅनलाइन शिक्षण

तहसीलदार सरनौबत म्हणाल्या की, आजपर्यंतच्या 50 पाॅझिटिव्ह रुग्णांच्या निमित्ताने हाय रिस्कमधील 300 जणांचे कोविड केअर सेंटरला विलगीकरण केले. तर, लो रिस्कमधील 654 लोकांचे होम क्वारंटाइन केले. त्यातूनच पन्नास रुग्णांधील हाय रिस्कमधून सापडलेले 23 रुग्ण आहेत. सासवड शहरातील मूळ कोरोना पाॅझिटिव्ह रुग्ण पुण्यात जा- ये करणारेच आहेत. त्यांच्या संपर्कातील लोक पुढे पाॅझिटिव्ह झाले. त्यामुळे पुणे व बाहेर गावी जा- ये करणाऱ्यांनी परतल्यानंतर घरीच थांबणे अपेक्षित आहे. त्यांच्या संपर्कात जाणे इतरांनी टाळल्यास संसर्ग रोखण्यास मदत होईल. 

पुण्याच्या इतर बातम्या वाचण्यासाठी येथे क्लिक करा

दंडात्मक कारवाई करणार                              पालिका मुख्याधिकारी विनोद जळक म्हणाले की, पुणे व बाहेर गावी जा- ये करणारांचा डेटा सर्व्हेद्वारे लगेच केला जातोय. त्यांना व्यक्तिगत काही शिस्त पाळण्याबाबत नोटीस दिली जाईल. सासवडचा संसर्ग रोखण्यासाठी ही उपाययोजना महत्त्वाची आहे. तसेच, प्रत्येक नागरिकाची शिस्तही महत्त्वाची आहे. मास्क, सॅनिटायझर, फिजीकल- डिस्टंन्सिंग आदी न पाळल्यास दंडात्मक कारवाई उद्यापासून वाढविणार आहे.