वडगाव निंबाळकर : कांद्याच्या पट्टीची रक्कम चोरीला गेल्याचा बनाव करणाऱ्या ट्रक चालकाला वडगाव निंबाळकर पोलिसांनी बेड्या ठोकुन जबरी चोरीचा गुन्हा नोंदविला आहे.

ताज्या बातम्यांसाठी डाऊनलोड करा ई-सकाळचे ऍप

शिवाजी बाळासाहेब ठोंबरे (रा. गिरीम ता. दौंड) असे या ट्रकचालकाचे नाव असून, याबाबत कांदा एजंट अंकुश एकनाथ खताळ (रा. गिरीम ता. दौंड) यांनी पोलिसांकडे फिर्याद दाखल केली आहे.

कोल्हापूर येथील मार्केटमध्ये शिवाजी तलवार व गुलाब घुले शेतकऱ्यांचा कांदा विक्रीसाठी नेला होता लिलाव झाल्यानंतर दोन्ही शेतकरी घरी आले पाठीमागून कांद्याचे पट्टीची रक्कम ३ लाख ५९ हजार ४८६ रुपये घेऊन येण्यासाठी आरोपी शिवाजी ठोंबरे याला सांगीतले.

पुणे-दौंड लोकल उद्यापासून सुरू होण्याची शक्यता

शनिवार (ता. 17) रात्री ट्रक घेऊन येताना नीरा-मोरगाव मार्गावर पाठीमागून आलेल्या काळ्‍या स्कार्पिओ मधील चोरट्यांनी ट्रकवर दगडफेक करत रक्कम चोरून नेली. असे शेतकरी आणि पोलिसांना सांगितले संबंधित तक्रारीची दखल घेऊन पोलीस घटनास्थळाची पहाणी केली.

पुण्याच्या बातम्या वाचण्यासाठी येथे ► क्लिक करा

नाका-बंदीचे आदेश झाले सीसीटीव्ही फुटेज तपासण्यात आले. यावेळी चालक सांगत असलेली माहिती आणि घडलेली घटना यामध्ये तफावत असल्याचे निदर्शनास आल्याने पोलिसांनी चालकाची उलटतपासणी केली. यावेळी ट्रक चालकच चोर असल्याचे उघडकीस आले. कांद्याचे पट्टीची रक्कम गाडीत साउंड बॉक्समध्ये लपवून ठेवली होती. यामध्ये मोबाईल आढळून आला. चालकावर जबरी चोरीचा गुन्हा नोंदवून बेड्या ठोकण्यात आल्या असल्याची माहिती सहाय्यक पोलीस निरीक्षक सोमनाथ लांडे यांनी दिली.

(संपादन : सागर दिलीपराव शेलार)