निरगुडसर (पुणे) : आंबेगाव तालुक्यातील मंचर- रांजणी या रस्त्यावरील खड्डे सध्या मुरूम व खडीने भरले जाणार असून, पावसाने उघडीप देताच खड्डे डांबर टाकून दुरुस्ती करणार असल्याची माहिती सार्वजनिक बांधकाम विभागाचे उपअभियंता पी. डी. शेडेकर यांनी दिली. त्यामुळे ग्राहकपंचायतीच्या आंदोलनाना यश मिळाले आहे. 

ग्राहक खायला येईनात, बारला परवानगी द्या; व्यावसायिकांची मागणी

मंचर- रांजणी रस्त्यावरील खड्ड्यांमुळे नागरिक त्रस्त झाले होते. त्यामुळे पुणे जिल्हा ग्राहक पंचायतीचे नितीन मिंडे, तालुकाध्यक्ष ज्ञानेश्वर उंडे यांच्यासह सुमारे कार्यकर्त्यांनी सर्वपित्री अमावस्येच्या मुहूर्तावर खड्ड्यांभोवती रांगोळी काढून पुरणपोळीचा नेवैद्य दाखवत निषेध केला होता. याबाबत ‘सकाळ'मध्ये १८ सप्टेंबर रोजी वृत्त प्रसिद्ध झाले होते. त्याची संबंधित विभागाने तातडीने दखल घेत रस्ता दुरुस्ती करणार असल्याचे सांगितले. 

ताज्या बातम्यांसाठी डाऊनलोड करा ई-सकाळचे ऍप

याबाबत शेडेकर यांनी सांगितले की, मंचरपासून पुढे एस कॉर्नर, तुकानाना चौक, चांडोली खुर्द, चांडोली बुद्रूक, खडकी फाटा, थोरांदळे, कारफाटा, रांजणी आदी ठिकाणावरील खड्डे सध्या मुरूम व खडी टाकून बुजविण्यात येणार आहे. तसेच, पाऊस संपताच डांबर टाकून खड्डे बुजविले जातील व ज्याठिकाणी एका जागेवर खड्ड्यांचे प्रमाण अधिक आहे. त्याठिकाणी डांबरीकरणाचे मोठे पॅच मारुन रस्ता खड्डेमुक्त करणार आहे.