पुणे : गेल्या अनेक महिन्यापासून 'छत्रपती शाहू महाराज संशोधन, प्रशिक्षण व मानव विकास संस्थे'चा (सारथी) कारभार विस्कळीत झाला आहे, विद्यार्थ्यांना शिष्यवृत्ती आणि  मानधन मिळत नाही. या संस्थेचा कारभार सुधारून त्वरीत मदत करा, अशी मागणी मराठा क्रांती (मुक्त) मोर्चा, अखिल भारतीय मराठा महासंघाने 'सारथी'चे प्रमुख अशोक काकडे यांच्याकडे केली आहे. 

- स्पर्धा परीक्षेच्या विद्यार्थ्यांचं भविष्य टांगणीला; परिस्थिती जाणून घ्या एका क्लिकवर

मराठा समाजातील होतकरू विद्यार्थ्यांना शिक्षणात उत्तम संधी मिळावी, स्पर्धा परीक्षेचा अभ्यास करता यावा, संशोधन करता यावे यासाठी 'सारथी'तर्फे योजना राबविण्यात येतात. मात्र, गेल्या काही महिन्यांपासून 'सारथी'च्या कारभाराला विद्यार्थी वैतागले आहेत. 

- अटक न करण्यासाठी दुकानदाराकडे `त्यांनी` मागितली चक्क लाच मग...

जुलै २०१९ मध्ये 'सीएमएसआरएफ' निवड प्रक्रिया राबविण्यात आली होती. निवड झालेल्या १४६ संशोधकांना जून महिना सुरू झाला तरी एकाही महिन्याचे मानधन मिळालेले नाही. तसेच स्पर्धा परीक्षेचा अभ्यास करणार्या विद्यार्थ्यांनाही दोन महिन्यापासून मानधन मिळाले नाही. याबद्दल अनेकदा तक्रारी करून देखील 'सारथी'कडे राज्य सरकार व अधिकारी लक्ष देण्यास तयार नाहीत.

विद्यार्थी कष्ट करण्यास तयार आहेत, पण त्यांना मदत केली जात नाही, हे वेदनादायक आहे. त्वरीत सारथीचा विस्कळीत कारभार सुधारावा अशी मागणी राजेंद्र कोंढरे, नितीन साळुंखे, नामदेव मानकर, राकेश गायकवाड, गणेश  मापारी  बाळासाहेब अमराळे, युवराज देसले, किशोर मोरे, मीना जाधव, श्रृतीका पाडळे यांनी केली आहे.

- हलगर्जीपणा खपवून घेतला जाणार नाही; उपमुख्यमंत्र्यांचा रुग्णालयांना इशारा​

संस्था बंद पाडण्याचा कट उधळून लावू

सरकार एका बाजूला मागासवर्गीय विद्यार्थ्यांना शिष्यवृत्तीसाठी ४३१ कोटी रुपये देत आहे. पण हा न्याय 'सारथी' संस्थेला लावला जात नाही. हे विद्यार्थी शासनास होतकरू वाटत नाहीत का? विद्यार्थांना मदत झालीच पाहिजे, ही संस्था बंद पडण्याचा कट उधळून लावू, असा इशारा मनविसेचे शहराध्यक्ष कल्पेश यादव यांनी दिला आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा