पुणे : शहीद जवान सुजित किर्दत यांचं पार्थिव सातारयाकडे रवाना तर शहीद जवान लोभे नागनाथ यांचं पार्थिव लातूरकडे रवाना करण्यात आले आहे. दोन्ही जवानाची पार्थिव पुण्यात आणण्यात आली असून पुणे विमानतळावर लष्कराकडून त्यांना सलामी देण्यात आली. इ. जी. कमांडड ब्रिगेडियर एम. जे. कुमार व इतर 5 लष्करी अधिकारी यांनी श्रद्धांजली वाहून जवानांनी सलामी दिली.

सातारा तालुक्यातील चिंचणेर निंब येथील जवान सुजित किर्दत शहीद झाले आहेत तर लातूरमधील जवान लोभे नागनाथ सिक्कीममध्ये कार्यरत होते. सुजित किर्दत 106 इंजिनिअर रेजिमेंट सिक्किम याठिकाणी ड्युटीवर होते.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

ड्युटी बजावत असताना बर्फावरुन जिप्सी गाडी घसरुन दरीत कोसळली यामध्ये सुजित किर्दत व नागनाथ लोभे यांना वीरमरण आले आहे. सुजित यांचं पार्थिव आता पुण्यातून साताराकडे रवाना करण्यात आलं तर लोभे यांचं पार्थिव लातूरकडे रवाना करण्यात आलं