वडगाव मावळ : मावळ तालुक्यात रविवारी (ता.२०) कोरोना रुग्ण संख्येने कळस गाठला. दिवसभरात तब्बल २२५ जणांचे कोरोना चाचणी अहवाल पॉझिटिव्ह आले असून लोणावळा येथील कोरोनाबाधित ६९ वर्षीय महिलेचा मृत्यू झाला. तालुक्यातील एकूण रुग्ण संख्या ३ हजार ८३४, तर मृतांची संख्या १२५ झाली आहे. २ हजार ६६६ जणांनी कोरोनावर मात केली आहे.

- रेल्वे प्रवास महागणार; आता विमानतळाप्रमाणे रेल्वे स्थानकावर आकारले जाणार दर​

रविवारी कोरोना पॉझिटिव्ह आलेल्या २२५ जणांमध्ये तळेगाव दाभाडे येथील सर्वाधिक ९१, लोणावळा येथील ५३, कुरवंडे येथील १३, कुसगाव बुद्रुक येथील १२, इंदोरी येथील नऊ, तळेगाव दाभाडे ग्रामीणमधील आठ, चांदखेड आणि सुदवडी येथील प्रत्येकी चार, माळवाडी, कामशेत, कुणे नामा आणि वरसोली येथील प्रत्येकी तीन, कडधे आणि वराळे येथील प्रत्येकी दोन, तर टाकवे बुद्रुक, सोमाटणे, ब्राम्हणवाडी, साते, दहीवली, नवलाख उंब्रे, कांब्रे नामा, चिखलसे, मळवली, वाकसई, कार्ला, ताजे, इंगळूण, पवळेवाडी आणि वडवली येथील प्रत्येकी एकजणाचा समावेश आहे. 

- वंशाच्या दिव्यासाठी सासरचे करायचे छळ; अखेर कंटाळून तिनं संपवलं जीवन​

तालुक्यातील कोरोना रुग्णांची संख्या ३ हजार ८३४ झाली असून त्यात शहरी भागातील २ हजार २१८ तर ग्रामीण भागातील १ हजार ६१६ जणांचा समावेश आहे. तळेगावात सर्वाधिक १ हजार २००, लोणावळा येथे ७८९, तर वडगाव येथे रुग्णसंख्या २२९ एवढी झाली आहे. आत्तापपर्यंत १२५ जणांचा मृत्यू झाला आहे, तर २ हजार ६६६ जणांनी कोरोनावर मात केली आहे. रविवारी ७५ जणांना घरी सोडण्यात आले.

सध्या तालुक्यात १ हजार ४३ सक्रिय रुग्ण असून त्यातील ६३१ लक्षणे असलेले तर ४१२ लक्षणे नसलेले रुग्ण आहेत. लक्षणे असलेल्या ६३१ जणांमध्ये ५०३ जणांमध्ये सौम्य तर १२५ जणांमध्ये मध्यम स्वरूपाची लक्षणे आहेत. तीन जण गंभीर आहेत. सध्या सक्रिय असलेल्या १ हजार ४३ जणांवर विविध ठिकाणी उपचार सुरु असल्याची मावळ तालुका कोविड कक्षाचे समन्वयक डॉ. गुणेश बागडे यांनी दिली.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)