पुणे- पिंपरी-चिंचवड पाठोपाठ वनाज ते गरवारे महाविद्यालय दरम्यान सुमारे साडेतीन किलोमीटर लांबीच्या मार्गावर मेट्रोची चाचणी (ट्रायल रन) घेण्यात येणार आहे. दरम्यान, पुणे महामेट्रोचा तीन डब्यांचा एक कोच मे महिन्यात दाखल होणार आहे.
महामेट्रोचे व्यवस्थापकीय संचालक डॉ. ब्रिजेश दीक्षित यांनी सोमवार पत्रकारांना ही माहिती दिली. पिंपरी-चिंचवड ते फुगेवाडी दरम्यान सहा किलोमीटर अंतरावर महामेट्रोकडून मेट्रोची चाचणी घेण्यात आली. त्या पाठोपाठ आता वनाज ते गरवारे महाविद्यालय दरम्यान मार्गावर ट्रायल रन घेण्यात येणार आहे. त्यासाठी नागपूर येथून आलेल्या डब्यांचा वापर करण्यात आला होता. त्यापैकी अद्याप दोन कोच शिल्लक आहेत. त्यापैकी एका कोचचा वापर करून ही ट्रायल रन घेण्यात येणार असल्याचे दीक्षित यांनी सांगितले.
चला भटकायला ; पुण्यातले किल्ले, ऐतिहासिक वास्तू खुल्या
दरम्यान, पुणे मेट्रोसाठीचे एक रॅक मेपर्यंत पुण्यात दाखल होईल, असे सांगून ते म्हणाले, ‘मंडई येथील जागेचा प्रश्न मार्गी लागला आहे. त्यामुळे स्वारगेट ते मंडई दरम्यान भुयारी मेट्रोचे कामास येत्या दीड ते दोन महिन्यात सुरवात होईल.’’ मेट्रो प्रकल्पाची मुदत या वर्षाअखेर संपत आहे. त्यामुळे या वर्षभरात काम पूर्ण होणार का, याबाबत दीक्षित म्हणाले, ‘‘गेल्या वर्षी कोरोनामुळे काम थांबले होते. आता सुरू असलेले तरी अद्याप काही अडचणी आहेत. त्यामुळे मेट्रोचे काम कधी पूर्ण होईल, हे सांगणे आता सयुक्तिक ठरणार नाही.’’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.