पुणे : पुणे आणि पिंपरी-चिंचवड शहरात सुरू झालेल्या कडक लॉकडाउनचच्या काळात बुधवारी (ता.१५) शहरातील दूध  पुरवठा सुरळीत झाला आहे. लॉकडाउनमध्येही दूध वितरणाला परवानगी असल्याने कडक लॉकडाउनच्या आजच्या दुसऱ्या दिवशीसुद्धा नेहमीप्रमाणे दूध पुरवठा सुरळीत होता. आज शहरात सुमारे दहा लाख लिटर दूधाचे वितरण झाल्याचा प्राथमिक अंदाज विविध दूध संघांनी वर्तविला आहे.

- यंदा शिक्षकांच्या बदल्या ऑफलाइन पद्धतीने होणार; राज्य सरकारने दिले आदेश​

पुणे आणि पिंपरी-चिंचवड शहराला दररोज सुमारे १५ लाख लिटर पिशव्यांमधील दूध वितरित होत असते. मात्र मागील तीन महिन्यांपासून दररोजच्या मागणीत ५ लाख लिटरने घट झालेली आहे. मिठाई दुकाने, हाॅटेल्स आणि चहा टपऱ्या आणि शाळा महाविद्यालये बंद असल्याने ही घट झाल्याचा अंदाज वर्तविण्यात आला आहे.

- शाळेतील विद्यार्थ्यांना टॅब द्या; शिक्षण मंत्र्यांकडे कुणी केली मागणी?​

दरम्यान, पुणे जिल्हा सहकारी दूध उत्पादक संघाचे (कात्रज डेअरी) कामकाज आजही नेहमीप्रमाणे सुरळीत सुरू होते. लॉकडाउनमधील नियमांचे पालन करत, शेतकऱ्यांकडील दूध घेण्यात आले आणि ग्राहकांना मागणीनुसार दिवसभर दूध उपलब्ध करुन देण्यात आल्याचे कात्रज डेअरीचे कार्यकारी संचालक डॉ. विवेक क्षीरसागर यांनी सांगितले. 

- अखेर माजी आमदार विनायक निम्हण आणि सनी निम्हण यांच्यावर गुन्हा दाखल​

आजही पुणेकरांना लॉकडाउनमध्येही नेहमीप्रमाणे चितळे दूध उपलब्ध करुन देण्यात आले. दूधाचा पुरेसा साठा उपलब्ध करून देण्यात आला. दूधाचा कसलाही तुटवडा नसल्याचे चितळे डेअरीचे भागीदार गिरीश चितळे यांनी सांगितले.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)