वालचंदनगर : इंदापूर तालुक्याच्या पश्चिम भागामध्ये कोरोनाचा रुग्ण आढळलेल्या जंक्शन, बोरी व कळंब (लालपुरी) मधील कन्टेंमेंट झोनमधील नागरिकांची राज्यमंत्री दत्तात्रेय भरणे यांनी भेट घेवून चर्चा केली. कन्टेंमेंट झोनमधील घाबरलेल्या नागरिकांना आधार देवून काळजी करण्याऐवजी स्वत:ची काळजी घेण्याचे आवाहन भरणे यांनी केले.
गेल्या आठ दिवसामध्ये इंदापूर तालुक्याच्या पश्चिम भागातील जंक्शन, बोरी, कळंब (लालपुरी), शेळगाव, लाकडी व उद्घट मध्ये कोराेनाचे रुग्ण आढळले आहेत. झपाट्याने कोरोना वाढत चालल्यामुळे पश्चिम भागातील नागरिक घाबरले आहे. भरणे यांनी आज सकाळी जंक्शन, बोरी व कळंब (लालपुरी) मध्ये कोरोना रुग्ण आढळलेल्या गावामध्ये भेट देवून नागरिकांना धीर दिला.
भरणे यांनी सांगितले की, इंदापूर तालुक्यासह राज्यावरती कोरोनाचे संकट आले आहे. जुलै महिन्यामध्ये कोरोना रुग्णाच्या संख्येमध्ये झपाट्याने वाढ झाली आहे.आगामी एक महिना महत्वाचा असून नागरिकांनी काळजी घेण्याची गरज आहे. ज्येष्ठ नागरिक व लहान मुलांनी घराच्या बाहेर पडणे टाळावे. प्रत्येकाने स्वत:ची काळजी घ्यावी. अत्याआवश्यक सेवेसाठीच घराबाहेर पडण्याचे आवाहन केले.
यावेळी तहसीलदार सोनाली मेटकरी,गटविकासधिकारी विजयकुमार परीट, वालचंदनगर पोलिस ठाण्याचे साहय्यक पोलिस निरीक्षक दिलीप पवार, जंक्शनचे सरपंच राजकुमार भोसले, बोरीचे सरपंच संदिप ठाेंबरे उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.