मंचर (पुणे) : सर्वोच्च न्यायालयाची मराठा आरक्षणावरील स्थगिती उठावी, यासाठी राज्य सरकार सर्वतोपरी प्रयत्न करत आहे. मराठा आरक्षणाला स्थगिती मिळाली असली तरी आरक्षणामुळे मराठा समाजातील मुला-मुलींना जे लाभ होणार होते, ते सर्व लाभ देण्याबाबतचा निर्णय मंत्रिमंडळाने घेतला आहेत.
घटनापीठापुढे मराठा समाजाची भक्कम बाजू मांडली जाईल, अशी माहिती राज्याचे कामगार मंत्री दिलीप वळसे पाटील यांनी दिली. मंचर (ता. आंबेगाव) येथे रविवारी वळसे पाटील यांच्या जनसंपर्क कार्यालयाच्या समोर मराठा क्रांती मोर्चाच्या वतीने ठिय्या आंदोलन करण्यात आले.
वळसे पाटील यांना मागण्यांचे निवेदन मराठा मोर्चाचे समन्वयक अजय घुले, शरद पोखरकर,आशिष घोलप, वसंतराव बाणखेले, अमोल घोलप यांच्या हस्ते देण्यात आले. यावेळी वसंतराव भालेराव, जगदीश घिसे, दत्ता थोरात, दत्ता गांजाळे, राजाबाबू थोरात, कैलासबुआ काळे, अमोल शिंदे, बाजीराव बांगर, वैष्णवी गांजाळे उपस्थित होते. वळसे पाटील यांनी आंदोलकांबरोबर चर्चा केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.