पुणे : कोरोनामुळे आर्थिक संकटाला तोंड द्यावे लागणार असल्याने पुण्यातील संस्थांनी एकत्र येऊन त्यांची कैफियत मांडल्यानंतर राज्याचे उच्च व तंत्र शिक्षण मंत्री उदय सामंत यांनी संस्था प्रमुखांशी संवाद साधला. त्यामध्ये अनुदान, स्वच्छता, सीईटी परीक्षा, प्रवेश प्रक्रिया आदी विषयांवर चर्चा झाली. 

वाहनचालकांनो, तुमच्यासाठी आहे ही महत्त्वाची बातमी

डेक्कन एज्युकेशन सोसायटी,  महाराष्ट्र एज्युकेशन सोसायटी, शिक्षण प्रसारक मंडळी आणि महर्षी कर्वे स्त्री शिक्षण संस्था या शिक्षण संस्थांनी ही आॅनलाईन बैठक आयोजित केली होती. 
डीईएसचे अध्यक्ष डॉ. शरद कुंटे यांनी ऑनलाइन शिक्षण  देण्यासाठी तसेच शाळा आणि महाविद्यालयांच्या निर्जंतुकीकरणासाठी मोठा खर्च येणार आहे. त्यासाठी मदत करावी अशी भूमिका मांडली. 

पेट्रोलच्या दरवाढीचा दस का दम

शिप्र मंडळीचे अध्यक्ष ऍड. एस. के. जैन यांनी शिक्षण संस्थांची सरकारकडे थकीत असलेली शिष्यवृत्तीची रक्कम लवकरात लवकर मिळावी अशी मागणी केली. एमईएसचे अध्यक्ष राजीव सहस्रबुद्धे यांनी अभ्यासक्रमांची प्रलंबित असलेली परवानगी तसेच अनुदानित महाविद्यालयांमध्ये प्रलंबित असलेली शिक्षक आणि शिक्षकेतर कर्मचाऱ्यांची भरती तातडीने करावी अशी भूमिका मांडली.

तसेच कर्वे स्त्री शिक्षण संस्थेचे अध्यक्ष राजन गोऱ्हे यांनी किमान या वर्षी केंद्रीय पद्धतीने प्रवेश प्रक्रिया न राबवता संस्थांना थेट प्रवेश प्रक्रिया राबविण्याची परवानगी सरकारने द्यावी. खर्च कमी करण्यासाठी विज बिल आणि मिळकत करात संपूर्ण  सूट द्यावी अशी मागणी केली. 

पुण्याच्या इतर बातम्या वाचण्यासाठी येथे क्लिक करा

सर्व मुद्दे ऐकून घेऊन उदय सामंत यांनी यावर तोडगा काढण्याचे आश्वासन दिले. तसेच शाळा, महाविद्यालयांच्या निर्जंतुकीकरणासाठी संबंधित महापालिकेच्या आयुक्तांशी चर्चा करू, असे सांगितले सांगितले. डीईएसचे  मुख्य कार्यकारी अधिकारी डॉ. श्रीराम नेर्लेकर यांनी स्वागत केले, तर संस्थेचे  कार्यवाह प्रा. धनंजय कुलकर्णी यांनी आभार  मानले.

परीक्षेवर चर्चा नाही- पत्रकार परिषदेत या संस्थांनी अंतीम वर्षाची परीक्षा द्यावी अशी भूमिका मांडली होती, पण बैठकीत यावर चर्चा झाली नाही.