पुणे : धनकवडी येथील शंकर महाराज मठाजवळच्या उड्डाण पुलावर एका भरधाव कारने दुचाकीवरुन जाणाऱ्या महापालिकेच्या कर्मचाऱ्याला उडविले. अपघातानंतर कारचालकाने तेथुन पळ काढला. दरम्यान संबंधीत कारचालक राज्याच्या एका मंत्री महोदयाचा पुतण्या असून सहकारनगर पोलिसांच्या मेहेरबानीने त्यास केवळ 'समजपत्र' देऊन सोडुन दिल्याची माहिती पुढे आली आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा 

दादासाहेब पुजारी असे अपघातग्रस्त व्यक्तीचे नाव आहे. पुजारी हे पुणे महापालिकेच्या वाहन विभागामध्ये काम करतात. कोरोना रुग्णलयांच्या रुग्णवाहीकांची तपासणी करण्यासाठी महापालिकेने एक पथक तयार केले आहे. त्यामध्ये पुजारी कार्यरत आहेत. शुक्रवारी सकाळी आठ वाजता ते व त्यांचे सहकारी धनकवडी येथील कोवीड सेंटरला भेट द्यायला जात होते. धनकवडी येथील शंकर महाराज मठासमोरच्या उड्डाण पुलावरुन ते जात असताना एका भरधाव आलिशान कारने  त्यांच्या दुचाकीला पाठीमागुन धडक दिली. त्यावेळी पुजारी व त्यांचे सहकारी खाली पडले. दोघाना गंभीर दुखापत झाली. पुजारी यांचे वरिष्ठ अधिकारी व स्थानिक नागरिकांनी त्यांना तत्काळ खासगी रुग्णलयात दाखल केले.

दरम्यान, सहकारनगर पोलिसांनी संबंधीत कार ताब्यात घेतली, मात्र वरच्या पातळीवरुन सूत्रे हलल्यानंतर पोलिसांनी कारचालक पुतण्यावर मेहेरबानी दाखवित कारचालकाला केवळ समजपत्र देऊन सोडून देण्यात आले. तसेच पोलिसांनी याबाबत माहिती देण्यास असमर्थता दर्शविली.

प्रवाशांनो, लोहगाव विमानतळावरून रात्रीच्या फ्लाईट्स बंद, कारण...