माळशिरस (पुणे) : गावोगावातील एकोपा टिकावा, कोरोनाचा प्रसार  वाढू नये, कोरोणा काळात प्रशासनावर अतिरिक्त ताण येऊ नये आणि निवडणुकांवर होणारा अनाठायी खर्च टळावा, यासाठी आमदार संजय जगताप यांनी पुरंदर हवेली मतदार संघातील सर्व गावातील ग्रामस्थांना ग्रामपंचायत निवडणुका बिनविरोध करण्यासाठी आवाहन केले आहे.

यासाठी त्यांनी बिनविरोध ग्रामपंचायत होणाऱ्या गावात 25 लाख रुपयांचा विकासकामांसाठी तातडीने निधी देण्याचे जाहीर केले आहे. यानिमित्ताने एकप्रकारे गाव विकासासाठी त्यांनी संधी उपलब्ध करून दिल्याचे लोकांमध्ये बोलले जात आहे.    

- 'तहसीलदाराकडून काम करुन देतो, सहा लाख द्या'; ACBनं फुरसुंगीत एकाला घेतलं ताब्यात​

ग्रामपंचायत निवडणुकीत अत्यंत टोकाचे राजकारण होऊन गावच्या एकीला बाधा येते आणि कुरघोडीच्या राजकारणात गावच्या विकासकामाला मोठा अडथळा निर्माण होतो. विकासकामांपेक्षा निवडणुकीतील राजकारणामुळे मतभेद तयार होतात आणि गावच्या विकासकामाच्या ते आड येतात. यामुळे गावातील एकोपा टिकून राहण्यासाठी त्याचप्रमाणे सध्या सर्वत्र कोरोनाचा फैलाव असल्याने निवडणूक काळात आणखीन त्यामध्ये वाढ होऊ नये, तसेच प्रशासनावरती ताण वाढू नये, यासाठी देखील ग्रामपंचायती बिनविरोध करण्याचे गरजेचे आहे.

- देशातील पहिलं आंतरराष्ट्रीय क्रीडा विद्यापीठ पुण्यात; जूनमध्ये होणार शुभारंभ!

त्याचप्रमाणे निवडणुकीत मोठ्या प्रमाणावर आणि अनाठाई खर्च होत असल्याने हा खर्च देखील वाया जाऊ नये म्हणून आमदार संजय जगताप यांनी निवडणुका बिनविरोध करण्याचे आवाहन पुरंदर हवेली मतदार संघातील सर्व ग्रामस्थांना केले आहे. ग्रामपंचायत बिनविरोध झाल्यास त्या ग्रामपंचायतीला विकास कामांसाठी खासदार सुप्रिया सुळे आणि स्वतःच्या आमदार फंडातून मिळून 25 लाख रुपयांचा विकास निधी दिला जाणार असल्याचे त्यांनी स्पष्ट केले.

- बायडेन आणि हॅरिस यांच्या शपथविधीचा कार्यक्रम होणार साधेपणानेच; वाचा सविस्तर​

कुरघोडीच्या राजकारणापेक्षा विकासाला महत्त्व द्या

ग्रामपंचायत निवडणूक काळात विकासकामांपेक्षा कुरघोडीच्या राजकारणाचीच बीजं मोठ्या प्रमाणात रोवली जातात. यामुळे याचा परिणाम पाच वर्ष गावाच्या विकासावर होतो. यामुळे गाव विकासाच्यासाठी आमदार संजय जगताप यांनी केलेल्या आवाहनानुसार गावोगावी प्रतिसाद देत निवडणुका बिनविरोध करणे गरजेचे आहे.

- पुण्याच्या बातम्या वाचण्यासाठी येथे ► क्लिक करा

(Edited By: Ashish N. Kadam)