गेल्या काही दिवसांत पुणे मनसेमध्ये अंतर्गत कलह दिसून येत आहे. अशातच गेल्या काही दिवसांपासून मनसे अध्यक्ष राज ठाकरे पुण्यात पदाधिकाऱ्यांशी संवाद साधत आहेत. पदाधिकाऱ्यांशी संवाद साधतान राज ठाकरे काही सल्ले देतानाच सूचनाही करत आहेत. ते सध्या पक्ष बांधणीवर लक्ष देत आहेत. राज्यातील इतर शहरांपेक्षा पुण्यावर राज ठाकरे यांनी जास्त लक्ष केंद्रीत केलं आहे.

गेल्या काही दिवसांपासून पुणे मनसेत धूसफूस सुरू असल्याचं दिसून येतं आहे. अशातच गेल्या काही मनसेचे नेते वसंत मोरे यांना डावलण्यात येत असल्याच्या ते पक्षात नाराज असल्याच्या आणि पक्षांतर्गत वाद सुरू असल्याच्या बातम्या येत आहेत. वसंत मोरे यांना कालही हे दिसून आलं आहे. काल राज ठाकरे यांच्या कार्यक्रमात जवळजवळ तासभर ताटकळत उभं राहावं लागल्याचं उघड झालं आहे. विशेष म्हणजे पक्षातील इतर पदाधिकारी बसलेले असताना वसंत मोरे यांच्या सारखा प्रमुख नेता उभं राहिला. या घटनेमुळे मनसेत मोरे यांची अवहेलना सुरूच असल्याची चर्चा राजकीय वर्तुळात रंगू लागली आहे.

हे ही वाचा : प्राचीन काळातली शस्त्रनिर्मिती कला....

काल प्रसिद्ध अभिनेते अशोक सराफ यांच्या वाढदिवसाच्या निमित्ताने पुण्यात एका कार्यक्रमाचे आयोजन करण्यात आले होते. या कार्यक्रमाला राज ठाकरे प्रमुख वक्ते असल्यामुळे मनसेच्या पदाधिकारी आणि कार्यकर्त्यांनी या कार्यक्रमाला मोठ्या प्रमाणावर हजेरी लावली होती. वसंत मोरेही आपल्या नेत्याचे भाषण ऐकण्यासाठी या कार्यक्रमाला हजार राहिले होते.

कार्यक्रमामध्ये वसंत मोरे यांना हॉलमध्ये बसायला जागा मिळाली नाही. त्यामुळे वसंत मोरे यांनी उभं राहून कार्यक्रम पाहिला. तासभर वसंत मोरे उभ्याने कार्यक्रम पाहात होते. विशेष म्हणजे वसंत मोरे जिथे उभे होते, त्या पहिल्या रांगेमध्ये मनसेचे पदाधिकारी आणि कार्यकर्ते बसलेले होते. आपल्या बाजूला पक्षाचा मोठा नेता उभा आहे, हे माहीत असूनही एकाही पदाधिकाऱ्याने उठून उभा राहिला नाही किंवा त्यांनी वसंत मोरे यांना बसायला जागा दिली नाही.

वसंत मोरे यांना कार्यक्रम संपेपर्यंत उभंच राहावं लागलं. वसंत मोरे यांना आपल्याच पक्षाच्या पदाधिकाऱ्यांनी बसायला जागा दिली नाही. यावरून पक्षामध्ये वसंत मोरेंची पक्षात अवहेलना सुरू असल्याची चर्चा पुण्याच्या राजकारणात रंगू लागल्या आहे.