पुणे : विधानसभा निवडणुकीची आचारंसहिता सुरू असताना कोथरुड विधानसभा मतदारसंघामध्ये भाजपचे उमेदवार चंद्रकांत पाटील यांनी महिलांना एक लाख साड्या वाटपाची घोषणा केली. त्यापैकी दहा हजार साड्यांची वाटप केली. या प्रकारामुळे पाटील यांनी निवडणूक आयोगाच्या आचारसंहितेचा भंग केला. त्यामुळे त्यांच्याविरुद्ध गुन्हा दाखल करावा, अशी मागणी महाराष्ट्र नवनिर्माण सेनेने विश्रांतवाडी पोलिसांकडे केली आहे.
मनसेचे वडगाव शेरी विधानसभा मतदारसंघाच्यावतीने प्रभाग क्रमांक एकचे अध्यक्ष गणेश पाटील यांच्या मार्गदर्शनाखालील शिष्टमंडळाने आपले निवेदन विश्रांतवाडी पोलिस ठाण्याचे वरिष्ठ पोलिस निरीक्षक अरुण आव्हाड यांच्याकडे दिले. यावेळी हेमंत बत्ते, सुनील कदम, किशोर चिंतामणी, निखिल पवार, बाळासाहेब शिंगाडे, वंदना साळवी, योगेश महिंद्रकर, दत्ता माळी, सुनील कदम, सनी पंजाबी, कुलदीप घोडके आदी उपस्थित होते.
पाटील यांनी आचारसंहितेचा भंग केल्याप्रकरणी त्यांची चौकशी करावी व त्यांच्याविरुद्ध गुन्हा दाखल करण्याची मागणी करण्यात आली. याबरोबरच केंद्रीय निवडणूक आयोग, राज्य मुख्य सचिव व मुख्य निवडणुक अधिकारी व पोलिस आयुक्तांनाही याबाबतचे निवेदन पाठविण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.