बारामती (पुणे) : ....हॅलो...हॅलो...अजून जोरात हॅलो....मग जरा हळूच हॅलो....मग पुन्हा हॅलो हॅलो हॅलो...मग समोरचाही हॅलो हॅलो करतोय...आणि या हॅलो हॅलोतच संवाद संपुष्टात....मग वैतागून पुन्हा कॉल लावायचा आणि पुन्हा हाच खेळ खेळायचा.....आज बारामतीकरांनी मोबाईलच्या कॉल ड्रॉपचा कमालीचा मनस्ताप सहन केला.
काही विशिष्ट कंपन्यांच्या मोबाईल नेटवर्कचे आज तीन तेरा वाजल्याने फोन न लागणे, लागले तरी संभाषणच न होणे, परस्परांना आवाजच न जाणे, कॉल मध्येच कट होणे अशा असंख्य प्रकारांना बारामतीकर सामोरे गेले. रेंजमध्ये असूनही नेटवर्क कव्हरेजच्या बाहेर असल्याची कॅसेट वाजणे, काहींना तर फोन स्विच ऑफची तर काहींच्या फोनवर या नंबरची इनकमिंग सुविधा बंद आहे अशीही कॅसेट ऐकायला मिळाली.
तक्रार नेमकी कोणाकडे करायची, त्यात पुन्हा तक्रार करुनही काही फरक पडेल का याची शाश्वती नाही, लॉकडाऊन असल्याने सगळेच बंद करायचे तरी काय या विचाराने अनेकांनी वारंवार फोन लावले किंवा फोनवर बोलण्याचा नादच सोडून दिला. अनेकांचा संवाद पूर्ण होऊ न शकल्याने काही गैरसमजही झाल्याचे किस्से घडले. अनेकांना वैद्यकीय कारणांसाठी तातडीचे फोन करणे गरजेचे होते, त्यांनाही कॉल ड्रॉपचा मनस्ताप सहन करावा लागला. हा अनुभव अनेकांना वारंवार येत आहे, अनेकदा तक्रारी केल्या जातात, मात्र या बाबत समाधानकारक उत्तरे दिली जात नाहीत. बिल वसूलीसाठी तगादा सेवेबाबत आनंद अशी स्थिती असल्याचे मोबाईलधारकांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.