कोरेगाव भीमा : कोरेगाव भीमा (ता. शिरूर) येथे भीमा नदीवरील पुलावरून एका महिलेने आपल्या साडेतीन वर्षाच्या लहान मुलीसह नदीपात्रात उडी मारल्याने या मायलेकींचा बुडून मृत्यू झाला. लहानग्या लेकीला कंबरेला ओढणीने बांधलेल्या स्थितीत पाण्याबाहेर काढलेले मृतदेह पाहुन उपस्थितांचे डोळे पाणावले.

हायड्रॉक्सिक्लोरोक्वीन औषधाचा वापर कोणासाठी?

शिक्रापूर पोलिस तसेच पोलीस पाटील मालन गव्हाणे यांच्या फिर्यादीनुसार मिळालेली माहिती अशी, मृत महिलेचे नाव सपना मधुकर कसबे (वय २५, सध्या रा. सणसवाडी ता. शिरूर) असे असून सपनाने दुपारी कोरेगाव भीमा येथे भीमा नदीवरील जुन्या पुलावरून आपल्या साडेतीन वर्षाच्या मुलीला कमरेला ओढणीने बांधून पाण्यात उडी मारून आत्महत्या केली.

सायंकाळी उशिरा अग्निशमन यंत्रणा व स्थानिक तरुणांच्या मदतीने दोघींचे मृतदेह पाण्याबाहेर काढण्यात आले. या महिलेचा आपल्या आईशी वाद झाला होता, त्यातूनच तिने आत्महत्या केली असावी, तपासाअंती नेमके कारण कळु शकेल, असा प्राथमिक अंदाज तपासाधिकारी सहाय्यक पोलीस उपनिरीक्षक अविनाश थोरात यांनी व्यक्त केला.

दरम्यान या मायलेकींचे मृतदेह शोधण्यासाठी सहाय्यक पोलीस उपनिरीक्षक अविनाश थोरात व पोलीस पाटील मालन गव्हाणे यांच्या पुढाकाराने भीमानदीपात्रात चार वाजल्यापासून स्थानिक तरुण तसेच पुणे महानगर पालिकेच्या अग्निशमन यंत्रणेचे जवान परिश्रम घेत होते. यात अभिषेक गोणे, चेतन खमसे, विशाल घोडे, किशोर काळभोर, पंकज माळी, प्रसाद जिवडे, ओम पाटील यांच्यासह सोनू भोकरे, बाबू भोकरे, भाऊसाहेब अजगर, सोमनाथ अजगर आदी स्थानिक तरुणांनी स्वतःच्या बोटीसह शोध कार्यात परिश्रम घेतले. शिक्रापूर पोलिस अधिक तपास करीत आहेत.

पुण्याच्या बातम्या वाचण्यासाठी येथे  क्लिक करा

उपस्थितांचे डोळे पाणावले..
प्रत्येक माता आपल्या लहानग्याच्या रक्षणासाठी प्रसंगी जीवही पणाला लावते. येथे मात्र आपल्या लहानग्या लेकीला ओढणीच्या साहाय्याने कमरेला बांधून सोबतच जीवन संपवत, उराशी कवटाळलेल्या स्थितीतच पाण्याबाहेर काढलेले मायलेकीचे मृतदेह पाहुन उपस्थितांचे डोळे पाणावले. ही हदयद्रावक घटना समजताच गावातील महीलांनीही नदीकडे धाव घेतली. कुटुंबात असे नेमके काय घडले असेल की, या मायलेकींना आपला जीव नकोसा झाला, याबाबत महिलांमध्ये दबक्या आवाजात चर्चा सुरू होती.

पुण्याच्या बातम्या वाचण्यासाठी येथे  क्लिक करा