पुणे - कोरोना महामारीच्या काळात महिला कुस्तीपट्टू चीतपट झाल्या आहेत.आखाडे,कुस्ती स्पर्धा बंद असल्याने महिला कुस्तीगीरांनी करायचं काय? असा प्रश्न त्यांच्या पुढे उभा राहिला आहे. त्यांना आर्थिक पाठबळ मिळावे,अशी मागणी होत होती.
- पुण्याच्या बातम्या वाचण्यासाठी येथे ► क्लिक करा
सकाळने ही कुस्तीपट्टूच्या या प्रश्नासंबंधी वृत्त प्रसिद्ध केले होते. यासह 'कुस्ती हेच जीवन महासंघाच्या' माध्यमातून कला, क्रीडा, सामाजिक व राजकीय क्षेत्रातील अनेक दानशूर मंडळींना आपल्या कुस्तीगीरांच्यासाठी खुराकासाठी आर्थिक मद्दत मिळावे यासाठी मेल व मेसेज द्वारे आव्हाहन करण्यात आले होते. प्रत्येकाने आपल्या भागातील किमान दोन चार मल्लांची खुराकाची सोय करावी जेणेकरून त्यांचा खुराकाचा खर्च मार्गी लागेल. यासंदर्भात खासदार अमोल कोल्हे यांना मेल सह फोन वरुन माहिती कळवली होती.
महाराष्ट्रातील राष्ट्रीय व आंतरराष्ट्रीय पातळीवर खेळलेल्या जवळपास 17 मुलींची नावे त्यांना कळविण्यात आली होती. याला प्रतिसाद देत पुणे विभागातील आंतरराष्ट्रीय खेळाडू कोमल गोळे, राष्ट्रीय खेळाडू सोनी कोळी व अक्षय वळूज यांना पुढील महिन्याचा खुराकचा देण्याचे जाहीर केले आहे. यापैकी कालच त्यांनी जवळपास ४२ हजार रुपये खेळाडूंच्या खात्यावर वर्ग केले आहेत. या मिळालेल्या मदती बद्दल कुस्तीपट्टूंनी समाधान व्यक्त केले आहे.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.