वालचंदनगर : ताई घरातील भांडी, धान्य, कपडे सगळं पावसाच्या पाण्याने वाहून गेलं हो...पावसाच्या पाण्याने होत्याचं नव्हत केलं... ताई गेल्या आठवड्यामध्ये दुकानाचे उद्घाटन झाले होते. पावसाच्या पाण्याने नवीन तयार केलेल्या बॅग (पिशव्या) सगळचं वाहून गेले असून मोठे नुकसान झाले आहे. हे शब्द सणसर मधील महिलांचे...खासदार सुप्रिया सुळे यांनी आज शुक्रवार (ता. १६) रोजी सणसर गावामध्ये नुकसानग्रस्त नागरिकांची भेट घेतली.
दरम्यान, बुधवार (ता. १४) इंदापूर तालुक्यामध्ये मुसळधार पाउस झाला असून ओढे, नद्यांना पूर आला होता. पूराच्या पाण्यामुळे शेतकऱ्यांची पिके, नागरिकांच्या घरातील वस्तू वाहून गेल्या आहेत. खासदार सुप्रिया सुळे यांनी सणसर गावाला भेट दिली. यावेळी राज्यमंत्री दत्तात्रेय भरणे यांच्यासह प्रशानातील अधिकारी उपस्थित होते.
मजूरी करणाऱ्या महिलांनी पावसाच्या पाण्यामुळे झालेल्या नुकसानाची व्यथा मांडली. सर्वच साहित्य, धान्य, कपडे वाहून गेले असून, दोन वेळच्या जेवणाची भ्रांत आहे. घराच्या भिंती पडल्या असून, गेल्या दोन दिवसांपासून लाईट नाही, पाणी ही नसल्याचे सांगितले.
- पुण्याच्या बातम्या वाचण्यासाठी येथे ► क्लिक करा
यावेळी खासदार सुळे यांनी सांगितले की, पंचनामे सुरु झाले असून जास्तीजास्त मदतीसाठी शासनाचा प्रयत्न राहिल. राज्यमंत्री दत्तात्रेय भरणे ही वाड्यावस्तीवर जावून नागरिकांच्या अडचणी जाणून घेत आहेत. नागरिकांना अन्न, पाणी व कपडे पोहचविण्याचे काम सुरु आहे. केंद्र सरकारकडे मदतीसाठी माजी उपमुख्यमंत्री अजित पवार यांनी पाठपुरावा सुरु केला असून केंद्राने ही राज्याला विशेष पॅकेजची तातडीने देण्याची गरज आहे. विरोधकांनी राजकारण बाजूला ठेवून जनतेला मदत करण्याचे आवाहन केले.
आठ दिवसांपूर्वीच्या दुकानाचे झाले होत्यांचे नव्हते...
आठ दिवसांपूर्वी सणसरमध्ये पत्र्याच्या शेडमध्ये कल्पना धोत्रे यांनी मयुरेश्वर बचत गटाच्या माध्यमातून कलमकारी पिशवी (बॅग)च्या निमिर्ती व विक्रीचे दुकान सुरु केले होते. मात्र पावसाने होत्याचे नव्हते केले. दुकानातील सर्व नवीन तयार बॅगा, कापड वाहून गेले असून मशिनही खराब झाल्या आहेत. तसेच मुलाचा डिजीटल कॅमेराही खराब झाला आहे. कल्पना धोत्रे यांच्या डोळ्याती अश्रू पाहुन सुळे ही स्तब्ध झाल्या.
(संपादन : सागर दिलीपराव शेलार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.