Mahavitaran 
पुणे

महावितरणचे ढिसाळ नियोजन, आंबेगावातील गावे दहा तास अंधारात  

डी. के. वळसे पाटील

मंचर (पुणे) : महावितरण कंपनीच्या ढिसाळ नियोजनामुळे आंबेगाव तालुक्यातील अवसरी खुर्द, गावडेवाडी, भोरवाडी, शेवाळवाडी, तांबडेमळा व १५ वाड्यावस्त्यांवरील वीजपुरवठा तब्बल १० तास खंडित झाला होता. त्यामुळे पिठाच्या गिरण्या, नळपाणी पुरवठा योजना बंद होत्या, तसेच आॅनलाईन पद्धतीने सरकारमान्य दुकानातून दिली जाणारी धान्यवितरण व्यवस्थाही बंद पडली होती. या गैरसोयीमुळे नागरिकांनी व व्यावसायिकानी संताप व्यक्त केला आहे.

मंचर वीज उपकेंद्रातून फिडरद्वारे अवसरी खुर्द परिसरातील ५ गावे व १५ वाड्यावस्त्यांना वीज पुरवठा केला जातो. मंचर वीज उपकेद्राबाहेर सोमवारी (ता. १) पहाटे तीनच्या सुमारास विजेच्या वाहिन्या तुटल्यामुळे वीज पुरवठा खंडित झाला. दुरुस्तीसाठी अवसरी खुर्द जनमित्रांनी ताबडतोब किवा सकाळी ६ वाजता येणे अपेक्षित होते. पण, दुरुस्तीचे काम सकाळी साडेआठ नंतर सुरु झाले. साहित्याची जमवाजमव करण्यात वेळ गेला. सकाळी साडेअकरा वाजता वीज पुरवठा सुरु झाला. पण, पुन्हा मंचर शहरातील जनमित्रांनी वीज उपकेंद्राबाहेरील झाडाच्या फांद्या तोडण्यासाठी अवसरी खुर्द फिडर व मंचर फिडर दुपारी दोन वाजून वीस मिनिटाने बंद केला. दुरुस्तीचे काम झाल्यानंतर दोन तासानंतर अवसरी खुर्द व मंचरचा वीजपुरवठा सुरु केला. 

अवसरी खुर्दचे जनमित्र वीजवाहिन्या दुरुस्त करत होते, त्यावेळीच मंचरच्या जनमित्रांनी व अधिकार्यांनी झाडाच्या फांद्या तोडून टाकल्या असत्या, तर अवसरी खुर्दचा दोन तास वीज पुरवठा बंद प्रकार टाळता आला असता, असे उद्योजक मिलिंद खुडे व आंबेगाव तालुका पंचायत समितीचे उपसभापती संतोष भोर यांनी सांगितले.

ते म्हणाले की, गेली पाच दिवस अवसरी खुर्द परिसरातील गावांमध्ये लॉकडाउन होता. सोमवारी लॉकडाउन शिथिल झाला. पण, वीजपुरवठा खंडित होता. त्यामुळे अनेकांना व्यवसाय बंद ठेवावे लागले. कामगारांनाही माघार जावे लागले. मंचर शहरात दुरुस्तीचे काम निघाल्यानंतर अवसरी खुर्दचाही फिडर नेहमी बंद ठेवला जातो. याबाबत उपाययोजना करावी. पावसाळ्याच्या दिवसात वीज पुरवठा सुरळीत राहण्यासाठी कामगारमंत्री दिलीप वळसे पाटील यांना गावकरी निवेदन देणार आहेत. 
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Power of Simple Living and Discipline : साधं राहणीमान अन् बचतीच्या जोरावर ४५व्या वर्षी निवृत्तीपर्यंत जमवले ४.७ कोटी; जाणून घ्या कसे?

Latest Marathi News Updates : दक्षिण मुंबईतील गणेशोत्सव मंडळांची बैठक सुरु, अडचणींवर व नियोजनाबाबत होणार चर्चा

Video: प्रेमाची तालिबानी शिक्षा! काकाच्या मुलीवर प्रेम जडलं; रागात गावकऱ्यांनी प्रेमीयुगुलांना नांगराला जुंपलं, व्हिडिओ व्हायरल

८ चेंडूंत ६ विकेट्स.. पाच त्रिफळाचीत ! Kishor Kumar Sadhak ने इंग्लंडमध्ये सलग दोन षटकांत घेतल्या दोन Hat-Tricks

Parenting tips: पेराल ते उगवेल, आई वडिलांकडून अशा प्रकारे सवयी शिकतात मुलं

SCROLL FOR NEXT