पुणे : प्रतिबंधित क्षेत्रातील (कन्टेन्मेंट झोन) कोरोना बाधित रुग्णांची संख्या कमी करण्याचा चंग आता महापालिकेने बांधला आहे. त्याचे पहिले पाऊल म्हणजे या क्षेत्रातील झोपडपट्ट्यांमध्ये पुणे महापालिकेच्यावतीने शिधा वाटपाचे काम सुरू करण्यात आले आहे. आतापर्यंत तीन ते चार हजार झोपडीधारकांना यांचे वाटप करण्यात आले आहे.

आणखी वाचा- पुण्याच्या सुपर आजीबाईंना, कोरोनाला हरवले 

लॉकडाऊनसह विविध उपाययोजना करून देखील पुणे शहरातील कोरोनाबाधित रुग्णांची संख्या दिवसेंदिवस वाढत चालली आहे. विशेषत: भवानीपेठ, ढोलपाटील, येरवडा, कसबा-विश्रामबाग वाडा या क्षेत्रीय कार्यालयांच्या हद्दीतील रुग्णांची संख्या ही मोठ्या प्रमाणावर वाढते आहे. त्यातही झोपडपट्ट्यांच्या परिसरात या विषाणूचा फैलाव मोठ्या प्रमाणावर होत आहे. तो कसा रोखावा, असा प्रश्‍न महापालिका प्रशासनापुढे उभा राहिला आहे. त्यावर राज्याचे तांत्रिक सल्लागार डॉ. सुभाष साळुंके यांनी तीन पर्याय सुचविले आहेत. त्यापैकी प्रतिबंधित क्षेत्रात घरपोच शिधावाटप या पर्यायाची अंमलबजावणी महापालिकेकडून सुरू करण्यात आली आहे. 

पुण्याच्या इतर बातम्या वाचण्यासाठी येथे- क्लिक करा

प्रतिबंधित क्षेत्रातील झोपडपट्ट्यांमध्ये लॉकडाऊनची अंमलबजावणी कडकपणे व्हावी, यासाठी झोपडीधारकांना जीवनावश्‍यक वस्तूंचे घरपोच वाटप करण्याचा निर्णय महापालिकेने घेतला आहे. त्यानुसार या चारही क्षेत्रीय कार्यालयांच्या परिसरात येणाऱ्या तसेच बाधितांची संख्या जास्त असलेल्या झोपडपट्ट्यांमधील सुमारे सत्तर हजार कुटुंबांना शिधावाटप करण्याच्या कामास सुरवात करण्यात आली आहे. कालपासून ही सुरवात झाली असून आतापर्यंत तीन ते चार हजार झोपडीधारकांना त्यांचे वाटप करण्यात आले असल्याचे महापालिकेचे उपायुक्त सुनील इंदलकर यांनी सांगितले. 

पुणेकरांनो सावधान, या भागात वावरतोय बिबट्या

-प्रतिबंधित क्षेत्रातील झोपडपट्ट्यांमध्ये शिधावाटपास महापालिकेकडून सुरवात 
-सत्तर हजार झोपडीधारकांना वाटप करणार 
-आतापर्यंत तीन ते चार हजार झोपडीधारकांना वाटपाचे काम पूर्ण 

काय वस्तूंचे वाटप होणार 
गव्हाचे पीठ, तांदूळ, तेल, पोहे, साखर, मीठ, तूरडाळ, अंगाचा व कपडे धुण्याचा साबण, दूध पावडर, चहा पावडर,मिरची पावडर आदी जीवनावश्‍यक वस्तू.