पुणे - नगरसेवक, अधिकारी, कर्मचाऱ्यांसाठी राबविण्यात येणाऱ्या अंशदायी वैद्यकीय योजनेचे ‘पोस्टमार्टेम’ करण्यासाठी महापालिकेतील पदाधिकाऱ्यांनी मंगळवारी आणखी एक महत्त्वाचे पाऊल उचलले. योजनेच्या लाभार्थ्यांची नावे, उपचार घेतलेले हॉस्पिटल आणि झालेल्या खर्चाची माहिती महापालिकेच्या संकेतस्थळावर प्रसिद्ध करण्यात येणार आहे. परिणामी, आरोग्य योजनेचे नेमके लाभार्थी कोण, याचा शोध लागणार आहे.
शहरी गरीब आणि अंशदायी वैद्यकीय योजनेची माहिती महिन्याकाठी सादर करतानाच लाभार्थ्यांची नावे जाहीर करावीत, अशी सूचना स्थायी समितीचे अध्यक्ष हेमंत रासने यांनी आरोग्य अधिकाऱ्यांना केली. गरीब रुग्णांसह नगरसेवक, महापालिकेतील अधिकारी-कर्मचाऱ्यांसाठी या योजना राबविण्यात येतात. त्यावर वर्षाला सव्वाशे कोटी रुपये खर्च असल्याचा हिशेब आहे. तरीही, गरीब रुग्णांना उपचार मिळत नसल्याच्या प्रचंड तक्रारी आहेत; तर अंशदायी योजनेतून नगरसेवक, त्यांचे कुटुंबीय, अधिकारी-कर्मचाऱ्यांना हॉस्पिटलची बिले देताना आरोग्य खाते हात मोकळा सोडत असल्याचे स्पष्ट झाले.
त्यामुळेच अधिकारी-कर्मचाऱ्यांच्या उपचाराचा खर्च या वर्षात ५० कोटींच्या घरात जाण्याची शक्यता आहे. या माहिन्यात तो ४५ कोटी झाला. खर्च करूनही लाभार्थ्यांच्या नोंदी आरोग्य खाते ठेवत नसल्याचे उघड झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.