आळंदी : जेमतेम महिनाभरातच त्यांची गट्टी जमली आणि दोघांची दारूची मैफलही जमू लागली. शुक्रवारी (ता. ९) गोठ्यात दारू पिण्यासाठी दोघे बसले. त्यावेळी एकाने अश्लील भाषेत शिवी दिली म्हणून दुसऱ्याने चापट मारली. त्याचे पर्यावसन मोठ्या भांडणात झाले. शेवटी मित्रानेच मित्राच्या डोक्यात दगड घालून खून केला. खेड तालुक्यातील सोळू येथे ही घटना घडली आहे. प्रफुल्ल संपत गायकवाड(वय २३) असे खून झालेल्या तरुणाचे नाव आहे.

- आईसोबत बोलत थांबलेल्या तरुणावर हल्ला; तिघांनी लोखंडी सळईने केले वार​

या प्रकरणी दीपक दिगंबर भिमटे (रा. मोतीबाग, नागपूर) याच्यावर खूनाचा गुन्हा आळंदी पोलिस ठाण्यात दाखल झाला आहे. याबाबतची फिर्याद संतोष रामचंद्र निंबाळकर (रा. सोळू) यांनी दिली.

गायकवाड आणि भिमटे हे दोघेही रोजंदारीवर काम करत होते. महिनाभरापूर्वीच दोघांची मैत्री जमली होती. शुक्रवारी रात्री साडेअकराच्या दरम्यान दोघेही गोठ्यामध्ये एकत्र जेवायला बसले होते. यावेळी मद्याच्या आहारी गेल्यानंतर दोघांमध्ये वादावादी झाली.

डीएसके प्रकरण : उलाढालीचा रिपोर्ट अडकला लालफितीत; तपास यंत्रणेकडून दिरंगाई

त्यात भिमटे याने गायकवाड याला शिवी दिली. त्याचा राग आल्याने गायकवाड याने भिमटे याला चापट मारली पळून जाऊ लागला. त्यामुळे भिमटे याने त्याच्यावर दगडांचा मारा केला. त्यात डोक्याला इजा झाल्याने तो खाली पडला. त्यानंतर भिमटे याने पुन्हा त्याच्या डोक्यात दगड मारला. त्यात त्याचा मृत्यू झाला. भिमटे हा फरारी असून, याबाबतचा अधिक तपास आळंदी पोलिस करत आहेत. 

- पुण्याच्या बातम्या वाचण्यासाठी येथे ► क्लिक करा

(संपादन : सागर दिलीपराव शेलार)