हडपसर (पुणे) : महम्मदवाडी येथे निर्जनस्थळी एका पंचवीस वर्षाच्या अज्ञात तरुणाचा दगडाने ठेचून खून केला, त्यानंतर मृतदेहावर दगडी ठेवून झाकून ठेवण्यात आल्याची घटना शुक्रवारी सायंकाळी उघडकीस आली. याप्रकरणी वानवडी पोलीस ठाण्यात अज्ञात व्यक्तिविरुद्ध खुनाचा गुन्हा दाखल करण्यात आला आहे.

पुण्यात आता 'ही' सरकारी यंत्रणा होणार सुरु; ग्राहकांना मिळणार दिलासा    

पोलिसांनी दिलेल्या माहितीनुसार, लक्ष्मी पार्कच्याजवळ दोन ते तीन दिवसापूर्वी मृतदेह दगडाखाली लपवून ठेवल्याने तो कुजून दुर्गंधी पसरल्याची माहिती परिसरातील नागरिकांनी दिली, माहिती मिळताच वानवडी पोलिस घटनास्थळी दाखल झाले. त्यानंतर मृतदेह शवविच्छेदनासाठी रुग्णालयात पाठवण्यात आला आहे. अद्यापपर्यंत त्याची ओळख पटली नाही.

‘कोरोना वॉरिअर्स, कोरोना योद्धा’ किंवा ‘कोरोना महायोद्धा’ प्रमाणपत्र...

वानवडी पोलिस ठाण्याचे वरिष्ठ पोलीस निरीक्षक क्रांतीकुमार पाटील यांनी संगितले की, मृतदेहाच्या अंगावरती जीन्सची पॅंट व अंगावर निळा चौकडी शर्ट आहे. सावळा वर्ण व उंची पाच फूट पाच इंच आहे, पायामध्ये स्पोर्ट शूज आहेत. याबाबतची माहिती कोणाला असेल तर त्यांनी वानवडी पोलीस ठाण्यात संपर्क साधावा.

पुण्याच्या बातम्या वाचण्यासाठी येथे ► क्लिक करा