पुणे : निसर्ग चक्रीवादळामुळे झालेल्या नुकसानभरपाईसाठी राज्य सरकारने पुणे विभागासाठी सुमारे साडेदहा कोटींचा निधी मंजूर केला आहे. या निधीतून निसर्ग चक्रीवादळामुळे घरांची पडझड झालेल्या बाधित नागरिकांना तसेच मृत जनावरांच्या मालकांना अर्थसाहाय्य करण्यात येणार आहे. विभागीय आयुक्त कार्यालयाकडून सुमारे ८८ कोटी ७२ लाखांच्या मागणीचा अतिरिक्त प्रस्ताव पाठविण्यात आला होता.
राज्यात ३ जून २०२० रोजी आलेल्या निसर्ग चक्रीवादळाचा तडाखा काही जिल्ह्यांमध्ये बसला होता. या चक्रीवादळामुळे पुणे विभागातील जिल्ह्यांमध्येही शेतपिकांचे तसेच, घरांची पडझड झाल्यामुळे कपडे, भांडी आणि जीवनसामुग्रीची मोठी हानी झाली होती. या बाधितांना मदतीचे वाटप करण्यासाठी विभागीय आयुक्त सौरभ राव यांनी यापूर्वी प्रस्ताव पाठविला होता. त्यानुसार ७८ कोटी २८ लाख रुपये इतका निधी वितरित करण्यात आला. दरम्यान, या नैसर्गिक आपत्तीमधील बाधितांसाठी पुन्हा ८८ कोटी ७२ लाख रुपये अतिरिक्त निधीचा प्रस्ताव पाठविण्यात आला होता. त्यापैकी केवळ दहा कोटी ४४ लाख रुपये इतका निधी मंजूर करण्यात आला आहे.
नुकसान, मागणी आणि कंसात प्राप्त झालेला निधी रुपयांत
घरांच्या पडझडीमुळे भांडी, साहित्याचे नुकसान ११ कोटी ३७ लाख (८५ लाख ७० हजार)
मृत जनावरांसाठी मदत १० कोटी १२ लाख (२२ लाख)
पूर्णत: नष्ट आणि अंशत: पडझड झालेल्या घरांसाठी ४७ कोटी ९२ लाख (९ कोटी ५८ लाख)
शेतपिकांचे नुकसान २९ कोटी ३२ लाख (निधी नाही)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.