पुणे : शहर आणि परिसरात मागील काही दिवसांपासून कोयता घेऊन फिरणाऱ्या तरुणांची दहशत पाहायला मिळत आहे. यादरम्यान पुणे शहरात कोयता गँग नसल्याची माहिती पोलिस आणि गृहमंत्र्यांनी दिल्याचे अजित पवार यांनी याबद्दल पत्रकारांशी बोलताना सांगितले.

मागील काही दिवसांपासून पुणे शहरात कोयता गँगने उच्छाद मांडला असून यासंबधीच्या अनेक घटना समोर आल्या आहेत. हातात कोयता घेऊन तरुणांची टोळकं दहशत माजवत असल्याचेही यापूर्वी उघडकीस आले होते. या घटनेचे अनेक सीसीटीव्ही फुटेज देखील वायरल झाले आहेत.

दरम्यान या मुद्द्यावर बोलताना अजित पवार म्हणाले की, मला पोलिसांनी आणि गृहमंत्री यांनी देखील याबद्दल सांगितले आहे. त्यांचे म्हणणे आहे की या गोष्टीला मीडिया खूप वर उचलत आहे. पोलिस म्हणत आहेत कोयता गँग म्हणण्याचे कारण नाही. कारण जिथे प्रकार घडले तर तिथे तडीपार मोका लावला जातो आहे. काही भागात असे आहे असे पोलिसांनी सांगितले आहे. एखाद्याने जर कोयता काढला की त्याला गँग म्हटलं जातं आहे असे पोलिस सांगत आहे

या नंतर पुणे शहरात कोयता घेऊन दहशत माजवली जात नाही अशी चुकीची माहिती पुणे पोलीस आयुक्तांनी गृहमंत्र्यांना का दिली? हा प्रश्न आता उपस्थित होत आहे.