पुणे - राष्ट्रवादी कॉंग्रेसमधून भाजपवासी झालेले जालिंदर कामठे यांच्या घरवापसीची चर्चा सुरू असतानाच भाजपने त्यांची पक्षाच्या पश्चिम महाराष्ट्र अध्यक्षपदी निवड केली. प्रदेशाध्यक्ष चंद्रकांत पाटील यांनी त्यांना शुक्रवारी (ता. २२) पुणे येथे नियुक्तीपत्र दिले.
- पुण्याच्या बातम्या वाचण्यासाठी येथे ► क्लिक करा
कामठे हे काँग्रेसच्या विद्यार्थी संघटनेचे व पुणे जिल्हा काँग्रेसचे अध्यक्ष होते. त्यावेळी त्यांच्या बंगल्यावरच सन १९९९ मध्ये राष्ट्रवादीची स्थापना झाली. राष्ट्रवादीकडून तेच जिल्हा परिषदेचे पहिले अध्यक्ष झाले. ते सन २०१४ ते २०१८ या कालावधीत पुणे जिल्हा राष्ट्रवादीचे अध्यक्ष; तर सन २०१८ पासून राष्ट्रवादीचे प्रदेश सरचिटणीस झाले. मात्र, पुरंदर विधानसभा मतदारसंघ जागावाटपात राष्ट्रवादीकडून काँग्रेसकडे गेला. त्यानंतर त्यांनी भाजपमध्ये प्रवेश केला. मात्र, ते पक्षात फारसे सक्रीय नव्हते. भाजपच्या जिल्ह्यातील कोअर कमिटीत मात्र होते.
दरम्यान, नुकत्याच झालेल्या ग्रामपंचायत निवडणुकांमध्ये पुरंदरमध्ये राष्ट्रवादीला अनेक ठिकाणी फटका बसला. त्यामुळे नव्या सत्तासमीकरणांमध्ये कामठे यांच्यासारखा नेता राष्ट्रवादीत हवा, अशी चर्चा झाली. याप्रसंगी माजी राज्यमंत्री बाळा भेगडे, जिल्हाध्यक्ष गणेश भेगडे, अतुल देशमुख, प्रवीण काळभोर आदी उपस्थित होते.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.