पुणे : सध्या शाळा किंवा नियुक्तीविना असलेल्या प्राथमिक शिक्षकांना समुपदेशनाद्वारे नियुक्त्या देण्याचा निर्णय जिल्हा परिषद प्रशासनाने घेतला आहे. यासाठी रिक्त पदांची यादी तयार करण्याचा आदेश जिल्हा परिषदेचे मुख्य कार्यकारी अधिकारी आयुष प्रसाद यांनी प्राथमिक शिक्षण विभागाला दिला आहे. या यादीतील सेवाज्येष्ठतेनुसार या शिक्षकांना नवीन शाळांवर नियुक्त्या दिल्या जाणार आहेत.
सद्यःस्थितीत जिल्हा परिषद शाळांमधील दिव्यांग, मुख्याध्यापक पदावरून पदावन्नत झालेले, अनुसूचित जमाती संवर्ग आणि महापालिकेत समाविष्ट झालेल्या गावांमधील जिल्हा परिषद शाळांवरील शिक्षक हे नवीन नियुक्तीविना आहेत. या गटातील सर्व शिक्षकांची नवीन शाळेवर नियुक्ती केली जाणार आहे. या नियुक्तीसाठी समुपदेशन पद्धतीचा अवलंब केला जाणार आहे.
या सर्व संवर्गातील शिक्षकांच्या नियुक्त्या या एकाचवेळी केल्या जाणार आहेत. त्यामुळे संवर्गनिहाय सेवाज्येष्ठता याद्या प्रसिद्ध केल्या जाणार आहेत. या शिक्षकांना नवीन शाळेवर नियुक्ती देण्यासाठी रिक्त असलेल्या जागांची माहिती जमा केली जाणार आहे. या शिक्षकांना सेवाज्येष्ठतेनुसार क्रमाक्रमाने रिक्त जागांची यादी गाव व शाळेच्या नावासह दाखविली जाणार आहे. या यादीतील कोणतीही शाळा निवडण्याचे स्वातंत्र्य या शिक्षकांना असणार आहे. त्यामुळे हे शिक्षक आपापल्या पसंतीनुसार नवीन शाळा निवडू शकणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.