तळेगाव ढमढेरे : तळेगाव ढमढेरे (ता. शिरूर) येथे डिसेंबर महिन्यात ४९ ग्रामस्थांना कोरोनाची बाधा झाली असून, त्यापैकी ३० उपचार घेत आहेत तर १९ रुग्ण उपचार घेऊन बरे झाले असल्याची माहिती वैद्यकीय अधिकारी डॉ. प्रज्ञा घोरपडे यांनी सांगितली. 

कोरेगाव भीमा येथे नागरिकांची होणार आरोग्य तपासणी 

तळेगाव ढमढेरे प्राथमिक आरोग्य केंद्राच्या अंतर्गत १६ गावात आत्तापर्यंत १९४६  इतक्या नागरिकांना कोरोनाची बाधा झाली असून, त्यापैकी १८९९ रुग्ण बरे झाले आहेत तर ४७ रुग्णांचा मृत्य झाला असल्याचे डॉ. घोरपडे यांनी सांगितले. 

- ताज्या बातम्यांसाठी डाऊनलोड करा ई-सकाळचे ऍप

दरम्यान, तळेगाव ढमढेरे गावात आत्तापर्यंत एकूण ३३७ कोरोना बाधित झाले असून, त्यापैकी ३२५ बरे झाले आहेत तर १२ रुग्णांचा मृत्यू झाला आहे. 

तळेगाव ढमढेरे येथील प्राथमिक आरोग्य केंद्रातर्गत १६ गावात कोरोनाला प्रतिबंध करण्यासाठी आरोग्य विभाग, महसूल विभाग, ग्रामपंचायत प्रशासन, शिक्षण विभाग व पोलीस यंत्रणा आदींनी विशेष खबरदारी घेतली आहे. ऑक्टोंबर व नोव्हेंबर महिन्यात कोरोनाला प्रतिबंध करण्यासाठी प्रशासनाला यश आले होते. परंतु सर्वच क्षेत्र खुली झाल्याने पुन्हा कोरोनाचा ससर्ग वाढला असून, त्याचा परिणाम म्हणून डिसेंबर महिन्यात कोरोना रुग्ण वाढले आहेत. "कोरोनाला प्रतिबंध करण्यासाठी नागरिकांनी मास्क वापरावा, गर्दी टाळावी, सामाजिक अंतर ठेवावे, सॅनिटायझरचा वापर करावा असे आवाहन डॉ. घोरपडे यांनी केले आहे.

कोरेगाव भीमा येथे नागरिकांची होणार आरोग्य तपासणी 

(संपादन : सागर डी. शेलार)