पुणे - सोसायटीतील बागेत फिरायला जाऊ शकतो का, जिममध्ये जाता येईल का, घरकाम करणाऱ्या महिलेला बोलावता येईल का, भाडेकरू ठेवता येईल का, इलेक्ट्रिशयन, प्लंबरला घरी बोलवू का, असे अनेक प्रश्न आणि सोसायटीच्या आवारात वॉकिंग, जॉगिंगला परवानगी द्यावी, दूध, वृत्तपत्र घरपोच पाहिजे, अशा अनेक अपेक्षा गृहनिर्माण सोसायटीतील सभासद त्यांच्या पदाधिकाऱ्यांकडे करीत आहेत. लॉकडाउनमध्ये शिथिलता असली तरी कोरोनाचे संकट कायम असल्यामुळे पदाधिकारीही सरकारी नियमांचे पालन करीत, परंतु जरा जपूनच निर्णय घेताना दिसत आहेत.
- पुण्याच्या बातम्या वाचण्यासाठी येथे ► क्लिक करा
बहुतांश सोसायट्यांकडून कोरोनाचा प्रादुर्भाव टाळण्यासाठी राज्य सरकार आणि प्रशासनाने दिलेल्या नियमांचे पालन केले जात आहे. त्यानुसार प्रवेशद्वारावर आवश्यक खबरदारी घेतली आहे. बाहेरून येणाऱ्या व्यक्तींना मास्क घालणे बंधनकारक केले आहे. सॅनिटायझर उपलब्ध करून दिले आहे. तसेच, काही सोसायट्यांनी थर्मामीटर गन आणि ऑक्सीमिटरची सुविधाही उपलब्ध करून दिली आहे.
कोरोनाविरुद्धच्या लढ्यात सहकारी संस्थांनी मोठे योगदान दिले आहे. मुख्यमंत्री सहायता निधी आणि पीएम केअर निधीसाठी योगदान देण्याचे आवाहन विभागीय सहनिबंधक (सहकारी संस्था) संगीता डोंगरे यांनी केले होते. त्याला प्रतिसाद देत पुणे शहर, ग्रामीण आणि सोलापूर जिल्ह्यातील सहकारी संस्थांनी एकूण सहा कोटी आठ लाख रुपयांचा निधी मुख्यमंत्री सहायता निधी आणि पीएम केअर फंडला दिला आहे. त्यात ८० टक्के सहभाग हा गृहनिर्माण सोसायट्यांचा आहे, अशी माहिती जिल्हा उपनिबंधक नारायण आघाव यांनी दिली.
बहुतांश सोसायट्यांनी घरकाम करणाऱ्या महिलांना परवानगी दिली आहे. त्यामुळे ज्येष्ठ नागरिक आणि नोकरदार महिलांचा प्रश्न सुटला आहे.
- सुहास पटवर्धन, अध्यक्ष, जिल्हा गृहनिर्माण संस्था
घरकाम करणाऱ्या महिलांना परवानगी दिली आहे. परंतु घरमालकांनी प्रतिज्ञापत्र देणे आवश्यक आहे. घरपोच दूध आणि वृत्तपत्र वितरणाला परवानगी दिली आहे.
- किशोर ढमढेरे, अध्यक्ष, कांचन सोसायटी
गृहनिर्माण सोसायटीबाबत मार्गदर्शक तत्त्वे नसल्यामुळे निर्णयाची अंमलबजावणी करताना पदाधिकाऱ्यांची
त्रेधातिरपीट होत आहे.
- अंकुश मोरे, अध्यक्ष, कुमार पामक्रेस्ट संस्था
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.