पुणे : सावित्रीबाई फुले पुणे विद्यापीठात तरुणीची छेड काढून पळून जाणाऱ्याला सुरक्षा रक्षकांनी पाठलाग करून झाडीत लपून बसलेल्याला अवघ्या 15 मिनिटांत पकडून पोलिसांच्या हवाली केले. ही घटना शुक्रवारी सायंकाळी साडेसातच्या सुमारास घडली. सखाराम त्र्यंबक वर्पे (सध्या रा. बोपोडी, मुळ रा. बीड) असे ताब्यात घेण्यात आलेल्या आरोपीचे नाव आहे.

ताज्या बातम्यांसाठी डाऊनलोड करा ई-सकाळचे ऍप

विद्यापीठात शिक्षण घेणारी विद्यार्थिनी सायंकाळी साडेसातच्या सुमारास पोस्ट ऑफिसजवळून वसतिगृहाच्या दिशेने जात होती. त्यावेळी एकजण तेथे येऊन तिची छेड काढली. घाबरलेल्या या विद्यार्थिनीने आरडाओरडा केल्यानंतर आरोपी पळून जाऊ लागला. मुलीचा आवाज ऐकल्याने जवळच असलेल्या सुरक्षारक्षकाने पोस्ट ऑफिसच्या दिशेने धाव घेतली. वायरलेसवरून या घटनेची माहिती देऊन पेट्रोलिंग जीपला बोलविण्यात आले.

ज्येष्ठ कथाकार सखा कलाल यांचे निधन

आरोपी एलिस उद्यानात लपल्याचे कळाले. सुमारे सात ते आठ सुरक्षा रक्षकांनी सर्च लाईटच्या मदतीने त्याला झुडपातून पकडले. त्याला चतुःश्रृंगी पोलिसांच्या ताब्यात देण्यात आले आहे. त्याच्यावर गुन्हा दाखल करण्याचे काम पोलिसांकडून सुरू आहे, असे कुलसचिव प्रफुल्ल पवार यांनी सांगितले.