Corona l0.jpg 
पुणे

अरे बापरे ! पुण्याहून कोरोना बाधित उरुळी कांचनला गेला अन्‌... पहा काय घडले

जनार्दन दांडगे

उरुळी कांचन (पुणे) : सर्दी व खोकल्याने हैराण असतानाही, पुण्यातील भवानीपेठ परिसरातून उरुळी कांचन येथील नातेवाइकाच्या घरी तीन दिवसापूर्वी हवापालट करण्यासाठी आलेल्या पन्नास वर्षीय व्यक्तीचा पुण्यातील नायडू रुग्णालयात उपचार सुरू असताना रविवारी (ता. 10) सकाळी मृत्यू झाला. मृत्यूनंतर संबंधित व्यक्ती कोरोना बाधित असल्याचे आढळून आल्याने, उरुळी कांचनवर पुन्हा कोरोनाचे संकट घोंगाऊ लागले आहे. 

उरुळी कांचन ग्रामपंचायत हद्दीत वीस दिवसापूर्वी एक सत्तेचाळीस वर्षीय महिला व तिच्यावर उपचार करणारा एक डॉक्‍टर असे दोन कोरोना बाधित रुग्ण आढळून आले होते. वरील दोन रुग्णाच्या धक्‍क्‍यातून उरुळी कांचनवासीय सावरत असताना, पाहुणा म्हणून आलेला पुण्यातील एक रुग्ण आढळून आल्याने उरुळी कांचन परिसरात भीतीचे वातावरण पसरले आहे. उरुळी कांचन परिसरातील तिसरा तर पूर्व हवेलीमधील हा दहावा रुग्ण ठरला आहे. 

दरम्यान, उरुळी कांचन येथील प्राथमिक आरोग्य केंद्रांच्या प्रमुख डॉ. सुचिता कदम यांनीही पुण्याहून उरुळी कांचन येथील नातेवाइकाकडे आलेली पन्नास वर्षीय व्यक्ती कोरोना बाधित असल्याच्या वृत्तास दुजोरा दिला आहे. तर पुण्याहून आलेली व्यक्ती उरुळी कांचन येथील नातेवाइकांच्या घरी तीन तासाहून अधिक काळ वावरली असल्याने, उरुळी कांचन येथील नातेवाईक व त्यांच्या घरातील पंधरा जणांना कोरोनाच्या आयसीएमआर चाचणीसाठी पुण्यातील शासकीय रुग्णालयात तत्काळ हलविण्यात येणार असल्याची माहिती डॉ. कदम यांनी दिली. 

सर्दी व खोकल्याने हैराण असतानातही, पुण्याहून एक व्यक्ती उरुळी कांचन येथील नातेवाइकांकडे शुक्रवारी (ता. 8) सांयकाळी पाचच्या सुमारास आली होती. पुण्याहून आलेली व्यक्ती घराच्या बाहेर खोकत असल्याचे शेजारांच्या लक्षात येताच, काही जणांनी ही बाब ग्रामपंचायतीच्या पदाधिकाऱ्यांना व प्राथमिक आरोग्य केंद्रांच्या आरोग्य कर्मचाऱ्यांना कळवली. ग्रामपंचायत प्रशासन व आरोग्य विभागाच्या कर्मचाऱ्यांनी तत्काळ हालचाली करून, संबंधित व्यक्तीला पुढील उपचारासाठी पुण्यातील नायडू रुग्णालयात हलविले. मात्र, उपचारादरम्यान व्यक्तीचा रविवारी सकाळी मृत्यू झाला. मृत्यूनंतर संबंधित व्यक्ती कोरोना बाधित असल्याचे समजले. 

पुण्याच्या इतर बातम्या वाचण्यासाठी येथे- क्लिक करा

याबाबत अधिक माहिती देताना डॉ. कदम म्हणाल्या, "कोरोना बाधित व्यक्ती उरुळी कांचन येथील नातेवाइकांच्या घरी तीन तासाहून अधिक काळ वावरली असल्याने, नातेवाईक व त्याच्या घरातील पंधरा जणांच्या घशातील द्रव घेऊन त्यांची चाचणी करण्यात येणार आहे. उरुळी कांचन येथील नातेवाईक रहात असलेल्या वस्तीचे रविवारी रात्री पासूनच निर्जंतुकीकरण करण्यास सुरवात केली आहे. उरुळी कांचन येथील नातेवाईक व त्याच्या घरातील पंधरा जणांचा तपासणी अहवाल आल्यानंतरच, पुढील दिशा ठरविण्यात येणार आहे.' 

कटेंन्मेंट झोनची (प्रतिबंधित क्षेत्र) मुदत वाढणार 

उरुळी कांचन येथे एकवीस दिवसापूर्वी एक सत्तेचाळीस वर्षीय महिला व तिच्यावर कदमवाकवस्ती येथील खासगी रुणालयात उपचार करणारे उरुळी कांचन येथील एक डॉक्‍टर असे दोघेजण कोरोना बाधित असल्याचे आढळुन आले होते. यामुळे प्रशासनाने खबरदारीचा उपाय म्हणून मागील वीस दिवसापासून उरुळी कांचन व परिसर प्रतिबंधित क्षेत्र जाहीर केले आहे. सत्तेचाळीस वर्षीय कोरोना बाधित महिला व डॉक्‍टर हे दोघेही उपचार घेऊन घरी परतल्याने, प्रशासन मंगळवारपासून (ता. 12) उरुळी कांचनचे प्रतिबंधित क्षेत्र हटविण्याच्या मार्गावर होते. मात्र वरील रुग्ण सापडल्याने, कटेंन्मेंट झोनची मुदत मंगळवारी वाढणार की संपणार हे उरुळी कांचन येथील नातेवाईक व त्यांच्या घरातील पंधरा जणांचा कोरोना अहवाल काय येतो यावर ठरणार आहे. 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Kolhapur ZP News : कोल्हापूर जिल्हा परिषदेवर सहा स्वीकृत सदस्य; कोणाला किती जागा मिळणार?, इच्छुकांची मंदियाळी

Pune FDA Action : पुणे, कोल्हापूरसह 'या' 5 जिल्ह्यांत अन्न व औषध प्रशासनाची मोठी कारवाई! 2 लाख किलोहून अधिक भेसळयुक्त मिठाई अन् तूप जप्त; 111 दुकानांचे परवाने रद्द

R Ashwin: मोहम्मद सिराजला पहिल्या कसोटीत संधी न दिल्याने अश्विन नाराज; टीम इंडियातील स्थानाबाबत म्हणाला, 'हा तर फक्त ट्रेलर आहे'

Latest Marathi News Live Update : गायी चारण्यासाठी रानात गेलेल्या विवाहितेचा खून, खोल दरीत आढळला मृतदेह

CM योगी आदित्यनाथ यांना मातृशोक, आईचे वयाच्या ९१व्या वर्षी निधन

SCROLL FOR NEXT