पुणे - कोरोनामुळे हातातील काम बंद झाले; म्हणून आम्ही गावी परतलो. परंतु या सगळ्यात मुलांचे शिक्षण थांबू नये; म्हणून पोटाला चिमटा काढून चांगला मोबाईल घेतला. मोबाईलमधील आम्हाला काही कळत नाही. परंतु मुलांची शाळा सुरू झाल्याचा आनंद आहे, हे शब्द आहेत इयत्ता तिसरीत शिकणाऱ्या ओम याचे वडील अमोल सकट यांचे!  ते ऊसतोडी कामगार आहेत.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

ओम सध्या नगर जिल्ह्यातील जामखेड तालुक्‍यातील पाडळे या त्याच्या मूळगावी राहत आहे. खरं तर त्याची शाळा पुणे जिल्ह्यातील जुन्नर तालुक्‍यातील ठिकेकरवाडी येथे आहे. कोरोनामुळे हातातील काम गेल्याने त्याच्याही कुटुंबाला इतरांप्रमाणे गावचा रस्ता धरावा लागला. गेल्या सात-आठ वर्षापासून कामाच्या शोधात सकट कुटुंबीय नगरहून ठिकेकरवाडीत पोचले. या कुटुंबातील ओम आणि आर्यन ही मुले ठिकेकरवाडीतील जिल्हा परिषदेच्या शाळेत शिक्षण घेत आहेत. 

मंचरकरांसाठी महत्त्वाची बातमी : शहरात लॉकडाउन वाढविण्यात आला; कधीपर्यंत असणार लॉकडाउन ​वाचा सविस्तर

ऑनलाइनच्या माध्यमातून या शाळेनेही शिक्षण सुरू केले आहे. मुलांचे शिक्षण सुरू ठेवण्यासाठी ग्रामपंचायत आणि पालकांनी पुढाकार घेऊन निधी उपलब्ध केला आहे. त्यातून २० टॅब उपलब्ध करून दिले आहेत. त्यामुळे आता शाळेतील ओम, आर्यन सारख्या मुलांना घर बसल्या टॅबद्वारे शिक्षण घेण्याचा मार्ग मोकळा झाला आहे. ओम आणि आर्यन प्रमाणेच बाहेरगावी गेलेल्या विद्यार्थ्यांपर्यंत टॅब पोचविण्यासाठी त्यांच्या पालकांना शाळेत बोलविण्यात आले होते.

कोरोनाच्या संशयामुळे दुरावली गावकी अन् भावकी; कुटुंबातील महिलांनीच दिला मग ज्येष्ठाला खांदा  

टॅबमुळे प्रभावी शिक्षण
शाळेतील तिसरी व चौथीच्या विद्यार्थ्यांना टॅब दिले. सध्या शिक्षक झूम मीटिंग ॲपद्वारे मुलांना शिकवीत आहेत. यामध्ये मूळगावी गेलेले विद्यार्थी देखील गावातून शिक्षण घेत आहेत. टॅबमुळे प्रभावीपणे अभ्यास करणे शक्‍य होणार असल्याचे मुख्याध्यापक संतोष गडगे यांनी सांगितले.

या उपक्रमासाठी ग्रामपंचायतीने एक लाख रुपये आणि उर्वरित रक्कम ग्रामस्थ आणि ग्रामस्थांच्या यात्रा वर्गणी फंडातून जमा करण्यात आली. ही रक्कम विद्यार्थ्यांच्या शिक्षणासाठी वापरण्यात आली. 
- संतोष गडगे, मुख्याध्यापक, जिल्हा परिषद प्राथमिक शाळा, ठिकेकरवाडी 

Edited By - Prashant Patil