औंध (पुणे) : कोरोनाच्या पार्श्वभूमीवर विद्यार्थ्यांचे शैक्षणिक नुकसान होऊ नये, म्हणून रयत शिक्षण संस्थेच्या औंध येथील डॉ. बाबासाहेब आंबेडकर महाविद्यालयातील प्राध्यापकांनी तंत्रज्ञानाचा उपयोग करीत विद्यार्थ्यांना ऑनलाईन ज्ञानदानाचे कार्य यशस्वीपणे सुरू ठेवले आहे.
महाविद्यालयाचे प्राचार्य डॉ. शिवलिंग मेनकुदळे यांच्या मार्गदर्शनाखाली सर्व प्राध्यापक झूम अॅप आणि कॉन्फरन्स कॉलच्या माध्यमातून विद्यार्थ्यांशी संवाद साधत असुन, व्हॉट्सअप, गुगल क्लासरूम, यू-ट्यूब व्हिडिओ, पॉवर पॉइंट प्रेझेंटेशनच्या माध्यमातूनही मार्गदर्शन करत आहेत.
पुण्याच्या इतर बातम्या वाचण्यासाठी येथे- क्लिक करा
महाविद्यालयात कोविड-१९ विषयी जनजागृती करण्यासंदर्भात ऑनलाईन परीक्षा घेण्यात आली असुन, सहभागींना ई-प्रमाणपत्र देण्यात आले आहे. तसेच सामाजिक जनजागृतीच्या हेतूने विविध प्रकारची छायाचित्रे, व्हिडिओ तयार करून, व्हॉट्सअपच्या माध्यमातून समाजापर्यंत पोहोचवण्याचे कार्य सुरू ठेवले आहे.
महाविद्यालयातील बी.व्होक विभागामार्फत विविध प्रकारचे मास्क तयार करून गरजू कुटुंबांना वाटण्यात आले आहेत. काही विद्यार्थी पोलिस मित्र म्हणून पोलिसांना मदत करीत आहे, तर काही विद्यार्थ्यांनी नागरिकांना जीवनावश्यक वस्तू घरोघरी पोचवण्याचे कार्य केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.