Property Card Sakal
पुणे

प्रॉपर्टी कार्डवरही आता ऑनलाइन नोंद

ऑनलाइन सातबारा उतारा आणि फेरफार उताऱ्यावर नोंद घेणाऱ्या ‘ई-फेरफार’ योजनेत आता प्रॉपर्टी कार्डचाही समावेश करण्यात आला आहे.

सकाळ वृत्तसेवा

पुणे - ऑनलाइन सातबारा उतारा आणि फेरफार उताऱ्यावर नोंद घेणाऱ्या ‘ई-फेरफार’ योजनेत आता प्रॉपर्टी कार्डचाही समावेश करण्यात आला आहे. प्रायोगिक तत्त्वावर सुरू असलेली ही योजना आता पुढील आठवड्यापासून राज्यात लागू करण्यात येणार आहे. त्यामुळे एखाद्या मिळकतीचा व्यवहार झाल्यानंतर केवळ २१ दिवसांत त्या मिळकतीच्या प्रॉपर्टी कार्डवर ऑनलाइनच्या माध्यमातून फेरफारची नोंद घेतली जाणार आहे.

भूमी अभिलेख विभागाकडून ऑनलाइनच्या माध्यमातून यापूर्वीच ग्रामीण भागातील जमिनींचे खरेदी-विक्रीचा व्यवहार झाल्यावर खरेदीदाराची सातबारा उताऱ्यावर नोंद होण्यासाठी ई-फेरफार योजना सुरू करण्यात आली, परंतु राज्यातील अनेक महत्त्वाच्या शहरांमध्ये सातबारा उताऱ्याऐवजी प्रॉपर्टी कार्ड देण्यात आले आहे. अशा शहरांमधील मिळकतीचा व्यवहार झाल्यानंतर पारंपरिक पद्धतीने प्रॉपर्टी कार्डावर नोंद घेण्यासाठी अनेक कसरती कराव्या लागत. त्यामध्ये वेळ आणि पैसा दोन्ही वाया जात होता. त्यासाठी नागरिकांना कार्यालयात चकरा माराव्या लागत होत्या. त्यातून गैरप्रकारांनाही चालना मिळत होती. या सर्व पार्श्‍वभूमीवर भूमी अभिलेख विभागाने प्रॉपर्टी कार्डच्या मिळकतींच्या खरेदी विक्रीसाठी ऑनलाइन ई-फेरफार करण्यासाठी संगणकीय प्रणाली तयार केली आहे. प्रायोगिक तत्त्वावर सहा महसूल विभागांतील एका तालुक्यात ही योजना सुरू करण्यात आली होती. ती आता संपूर्ण राज्यात लागू करण्यात येणार असल्याचे भूमी अभिलेख विभागातील वरिष्ठ अधिकाऱ्यांनी सांगितले.

फक्त एक दिवसाची प्रक्रिया

प्रॉपर्टी कार्ड असलेल्या मिळकतीचा खरेदी-विक्रीचा व्यवहार झाल्यानंतर याची माहिती ऑनलाइनच्या माध्यमातून भूमी अभिलेख कार्यालयाला पाठविली जाणार आहे. त्यानंतर त्याची छाननी होऊन लगेचच टिपण्णी होणार आहे. त्यानंतर टिपण्णी मंजूर नोटीस तयार होणार आहे. ही नोटीस ज्यांचे मेल आयडी असेल त्यांना ई-मेलने आणि ज्यांचे पत्ते असतील त्यांना टपालाने पाठविण्यात येणार आहे. ही सर्व प्रकिया ऑनलाइन आणि एकाच दिवसात होणार आहे.

यातील पुढील टप्पा म्हणजे नोटिशीवर हरकत देण्यासाठी १५ दिवसांचा कालावधी देण्यात येणार आहे. हरकत दाखल न झाल्यास प्रॉपर्टी कार्डवरील ई-फेरफार ऑनलाइन तयार होणार आहे. त्यानंतर नागरिकांना तो ऑनलाइन पाहता येणार आहे. त्यानंतर ऑनलाइन पैसे भरून डिजिटल स्वाक्षरी असलेले प्रॉपर्टी कार्ड घरबसल्या मिळणार आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

'हार मानणार नाही, पुन्हा नव्याने सुरुवात करु' कॅनडातील कॅफेवरील गोळीबानंतर कपिल शर्माची प्रतिक्रिया

Sangli : शाळेय विद्यार्थिनीला जबरदस्तीने लैंगिक अत्याचार प्रकरणी नवी अपडेट समोर, पळालेल्या संशयितांना अटक; त्यादृष्टीने सखोल तपास

Latest Marathi News Updates : भारतीय अंतरिक्षवीर शुभांशु शुक्ला १४ जुलैपासून पृथ्वीवर परतीच्या प्रवासाला सुरुवात करतील - नासा

Pune Goodluck Cafe Viral Video: पुण्यातील गुडलक कॅफेत बन मस्कामध्ये काचेचा तुकडा; खवय्यांमध्ये संताप, व्हिडिओ व्हायरल

टोमणे सहन न झाल्याने टेनिसपट्टू राधिकावर बापानेच झाडल्या गोळ्या; पोलिस तपासात धक्कादायक बाबी उघड, नेमकं काय घडलं?

SCROLL FOR NEXT