मार्केट यार्ड - गुलटेकडी येथील बाजार समिती स्थापन झाल्यापासून लिंबाची घाऊक विक्री ही फळ बाजारात होत होती. मात्र तरकारी विभागातील काही व्यापारी लिंबाची विक्री तरकारी विभागात करत होते. मात्र आता लिंबाची विक्री फळ बाजारातच करा असे स्पष्ट आदेश पुणे कृषी उत्पन्न बाजार समितीचे प्रशासक मधुकांत गरड यांनी प्रशासनाला दिले आहेत.
- पुण्याच्या बातम्या वाचण्यासाठी येथे ► क्लिक करा
फळं बाजारातील लिंबाच्या घाऊक व्यापाऱ्यांनी तरकारी विभागात होणाऱ्या लिंबाच्या विक्रीबाबत तक्रार केली होती. शुक्रवारी प्रशासक मधुकांत गरड, उपसचिव सतीश कोंडे, लिंबाचे व्यापारी रोहन जाधव, सुधीर जाधव, बबलू बागवान, राहुल हेंद्रे, संतोष पोळ यांच्या उपस्थितीत बाजार समितीच्या मुख्य ऑफिसमध्ये बैठक पार पडली. यावेळी गरड यांनी लिंबू व्यापाऱ्यांच्या समस्या जाणून घेतल्या.
बाजारात सुरुवातीपासूनच फळ विभागात फळे विक्री, तरकारी विभागात फळभाज्या, पालेभाज्य विक्री, तर कांदा बटाटा विभागात कांदे आणि बटाटे विक्री होते. परंतु मागील साधारणतः एक वर्षापासून काही व्यापारी तरकारी विभागात लिंबू विक्री करत होते. याबाबत लिंबाच्या व्यापाऱ्यांनी तक्रारी केल्या होत्या. परंतु त्यावर तोडगा निघत नव्हता. परंतु याबाबत गरड यांनी तरकारी विभागातील लिंबू विक्री तत्काळ थांबवण्याचे आदेश संबधित अधिकाऱ्यांना दिले आहे. त्यामुळे मागील अनेक दिवसांपासूनचा लिंबू विक्रीचा प्रश्न निकाली निघाला आहे.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.