पुणे : पुण्यात कोरोनाला रोखण्यासाठी नेमके उपाय होत नसून, महापालिका प्रशासन म्हणजे आयुक्त शेखर गायकवाड हे धाडसी निर्णय घेत नसल्याने कोरोनाचे संकट वाढत आहे, असा आरोप महापालिकेतील विरोधकांनी रविवारी केला. कोरोना आणखी वाढण्याची भीती असूनही आयुक्त आपल्या दालनाबाहेर येण्यास घाबरत आहेत. तेव्हा पुणेकरांची काळजी कोण घेणार, असा प्रश्‍न विचारत पुण्यातील स्थितीला प्रशासन जबाबदार असल्याचा ठपका विरोधकांनी ठेवला. 

ताज्या बातम्यांसाठी डाऊनलोड करा ई-सकाळचे ऍप

दरम्यान, मुख्यमंत्री उद्धव ठाकरे आणि पालकमंत्री अजित पवार यांनी पुण्यातील परिस्थिती हाताळावी, अशी अपेक्षाही विरोधकांनी व्यक्त केली आहे. कोरोना संसर्गाच्या पार्श्‍वभूमीवर महापालिकेच्या उपाययोजना, अधिकारी-कर्मचाऱ्यांची जबाबदारी, प्रत्यक्षातील कामे, त्याचा परिणाम यावर महापालिकेतील राष्ट्रवादी कॉंग्रेस, कॉंग्रेस, शिवसेना आणि मनसेच्या नेत्यांनी नाराजी व्यक्त केली. विरोधी पक्षनेत्या दीपाली धुमाळ, कॉंग्रेसचे अरविंद शिंदे, शिवसेनेच पृथ्वीराज सुतार, मनसेचे वसंत मोरे यांनी ही पत्रकार परिदषद घेतली. 

पुण्याच्या बातम्या वाचण्यासाठी येथे ► क्लिक करा 

कोरोनाच्या संकटातून पुणेकरांना वाचवता येत नसेल तर आयुक्तांनी राज्य सरकारच्या सेवेत परत जावे, असा सल्लाही या नेत्यांनी दिला. संसर्ग रोखण्यासाठी विलगीकरण कक्षात ठेवलेल्या नागरिकांसाठी चांगले जेवण मिळत नाही. एकाच खोलीत कारोनाचे पॉझिटिव्ह आणि निगेटिव्ह लोकांना ठेवले आहे. त्यातून कोरोनाचा धोका वाढला आहे. तरीही त्याकडे काणाडोळा करीत प्रशासन सोपस्कार पूर्ण करीत आहे. योग्य वेळी योग्य निर्णय न घेतल्यानेच परिस्थिती हाताबाहेर जात आहे, याकडेही विरोधकांची लक्ष वेधले.

पुण्यात अडकलेले विद्यार्थी म्हणताहेत, 'कोरोनाऐवजी आम्ही उपासमारीने मरू'