पुणे : आर्मी मेडिकल कॉर्प्सच्या २६०व्या वर्धापन दिनानिमित्त सायक्लोथॉनचे आयोजन केले होते. लष्करी वैद्यकीय महाविद्यालयात (एएफएमसी) झालेल्या सायक्लोथॉनला दक्षिण मुख्यालयाचे प्रमुख लेफ्टनंट जनरल अजयकुमार सिंह यांनी हिरवा झेंडा दाखविला.

आर्मी मेडिकल कॉर्प्स दरवर्षी तीन एप्रिलला स्थापना दिवस साजरा करते. यावेळी ‘एएफएमसी’चे संचालक लेफ्टनंट जनरल नरेंद्र कोतवाल, मेजर जनरल विजय जोशी, मेजर जनरल पी. के. शर्मा, मेजर जनरल गिरिराज सिंग, मेजर जनरल बी. नांबियार आदी उपस्थित होते.

सेवारत अधिकारी, त्यांचे कुटुंबीय, वैद्यकीय आणि नर्सिंग कॅडेट्स यांच्यासह ७०० हून अधिक व्यक्तींनी कार्यक्रमात सहभाग घेतला.