अाळंदी : कोरोनाच्या पार्श्वभुमिवर आॅनलाईन पद्धतीने शिकवण्याच्या नावाखाली अवाजवी शुल्क आकारणीच्या विरोधात पालकांनी ही शाळाच नको अशी भुमिका घेतली. आणि सुमारे सत्तर पालकांनी पाल्याचे दाखले देण्याची मागणी केली.हि घटना आळंदी जवळील केळगावमधील डाॅ. विश्वनाथ कराड वर्ल्ड पिस स्कुलमध्ये घडली.

पुण्याच्या बातम्या वाचण्यासाठी येथे ► क्लिक करा

याबाबत पालकांपैकी संदिप नाईकरे, ज्ञानेश्वर क्षिरसागर,विष्णु वाघमारे किरण येळवंडे म्हणाले, आॅनलाईनच्या नावाखाली सत्तर हजारहून अधिक शुल्क आकारले. लाॅकडाउन काळात गेली सहा महीने अनेकांना रोजगार नसल्याने शुल्कासाठी सवलतीची मागणी पालकांनी विद्यालयाकडे  केली होती. तरीही शाळा व्यवस्थापनने  पालकांच्या मागणीचा विचार केला नाही.

ताज्या बातम्यांसाठी डाऊनलोड करा ई-सकाळचे ऍप

शाळा व्यवस्थापनने शुल्क कमी करण्यास नकार दिल्याने शेवटी पालकांनी सामुहीकरित्या मुलांना शाळा नकोच ..आम्हाला आमचे दाखले द्या. असा आक्रमक पवित्रा घेतला. पहिल्याच टप्यात जवळपास सत्तर पालकांनी मुलांचा प्रवेश रद्द करण्याचा निर्णय घेतल्याची माहीती नाईकरे यांनी दिली. मुख्यमंत्री, पालकमंत्री तसेच शिक्षणमंत्री यांना देखील निवेदन देणार असल्याचे नाईकरे यांनी सांगितले.  

पिंपरी-चिंचवड : ताथवडेतील रस्त्याचा डाव भाजपच्याच अंगलट

याबाबत शाळेचे मुख्याध्यापक हाजरा सुर्वे म्हणाल्या, ''सत्तरपैकी 49 जणांनी दाखल्याबाबत विचारणा केली. अनेक पालकांनी मागील वर्षीचे शुल्क भरले नाही. चालू वर्षी एप्रिल महिन्यात शाळा सुरु करुन आॅनलाईन शिक्षण सुरु ठेवले. चालू वर्षाचीही शुल्क दिले नाही. शाळेला पगार, व्यवस्थापन, सुविधा यावर खर्च करावा लागतो. मग पालकांच्या म्हणण्यानुसार वीस हजारात शाळा कशी चालवणार. शाळा सोडून जाण्यास कोणालाही बोललो नाही. पालकांचा वैयक्तिक निर्णय आहे. पालकांशी शाळेने वारंवार संवादही साधला. पंधरा टक्के शुल्कात सवलतही दिली. तरीही पालक ऐकायला तयार नाहीत. सहाशे विद्यार्थी असून, केवळ सत्तर लोकच तक्रार करुन शांतता भंग करत आहेत.''