पुणे : बारावीच्या परीक्षेत मिळालेल्या गुणांची पडताळणी करण्यासाठी राज्य माध्यमिक व उच्च माध्यमिक शिक्षण मंडळाने यंदा ऑनलाईन पद्धतीने अर्ज करण्यासाठी सोय उपलब्ध करून दिली आहे. मात्र निकाल लागल्यानंतर दुसऱ्याच दिवशी खुली झालेल्या या लिंकवरील तांत्रिक त्रुटींमुळे पालकांसमोर अडचणींचा डोंगर उभा राहिला.
ऑनलाईन निकालानंतर लगेचच दुसऱ्या दिवसांपासून अनिवार्य विषयांपैकी कोणत्याही विषयात संपादित केलेल्या गुणांची पडताळणी आणि उत्तरपत्रिकांच्या छायाप्रत, पुनर्मूल्यांकन आणि स्थलांतर प्रमाणपत्रासाठी विभागीय मंडळाकडे ऑनलाईन पद्धतीने मंडळाच्या http://verification.mh-hsc.ac.in संकेतस्थळावरुन स्वतः किंवा शाळा/कनिष्ठ महाविद्यालयामार्फत अर्ज करण्याची सोय उपलब्ध करून देण्यात आली आहे.
त्यामुळे गुणांची पडताळणी आणि उत्तरपत्रिकांच्या छायाप्रत यासाठी विद्यार्थी आणि पालकांनी शुक्रवारी सकाळपासूनच संबंधित संकेतस्थळावर अर्ज भरण्यास सुरवात केली. मात्र, अर्ज भरताना संकेतस्थळ हॅक होणे, संबंधित पेज खुले न होणे, विहित शुल्क भरताना व्यवहार अपूर्ण राहणे, व्यवहार पुढे न जाणे, अर्जाची प्रक्रिया अपूर्ण राहणे, अशा असंख्य तांत्रिक अडचणी येत होत्या. यामुळे पालक हैराण झाले होते.
अनेक पालक आणि विद्यार्थ्यांनी संकेतस्थळावरील तांत्रिक समस्या तक्रार स्वरूपात राज्य मंडळाच्या निदर्शनास आणून दिल्या. संकेतस्थळावरील तांत्रिक अडथळा दूर करण्यासाठी मग राज्य मंडळ देखील कामाला लागले आणि दिवस मावळण्यापूर्वी संबंधित संकेतस्थळावरील त्रुटींचा ओघ कमी झाला.
दिवसभरात अडीच हजार अर्ज भरण्याची प्रक्रिया पूर्ण
"गुणपडताळणी आणि छायाप्रतीसाठी संकेतस्थळाद्वारे ऑनलाईन अर्ज करण्याची सुविधा यंदा पहिल्यांदाच उपलब्ध करून देण्यात आली आहे. सुरवातीला अडचणी येत होत्या, मात्र आता त्रुटी दूर झाल्या आहेत. काही पालकांना अर्जासाठीचे शुल्क भरताना ऑनलाइन व्यवहार ठप्प होत होते. त्याही समस्या सोडविण्यात आल्या आहेत. शुक्रवारी सायंकाळपर्यंत जवळपास अडीच हजार अर्ज भरण्याची प्रक्रिया पूर्ण झाली आहे."
- डॉ. शकुंतला काळे, अध्यक्ष, राज्य माध्यमिक व उच्च माध्यमिक शिक्षण मंडळ
- पुण्याच्या बातम्या वाचण्यासाठी येथे ► क्लिक करा
(Edited by : Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.