भिगवण : कोरोनाच्या दहशतीमुळे रुग्नांसाठी रुग्नवाहिकाच उपलब्ध होत नसल्याची वस्तुस्थिती पुन्हा एकदा समोर आली आहे. येथील प्राथमिक आरोग्य केंद्रांमध्ये अत्यवस्थ रुग्न व त्याचे नातेवाईक रुग्नवाहिकेसाठी विविध पातळ्यावर सुमारे चार तास प्रयत्न करत होते शेवटी चार तासांनी रुग्नवाहिका उपलब्ध झाली परंतु तोपर्यंत खुप उशिर झाला होता. रुग्नवाहिकेतून रुग्न इंदापुर येथे उपचारासाठी पोहेचेपर्यंत रुग्नाची स्थिती गंभीर होऊन त्याचा मृत्यू झाल्याची धक्कादायक बाब समोर आली आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

रुग्नवाहिकेअभावी वेळेत रुग्नालयांमध्ये न पोहता आल्यामुळे तक्रारवाडी(ता.इंदापुर) येथील काशीनाथ शिवराम परदेशी(वय. ७२) यांचा मृत्यू झाला असल्याचा आरोप नातेवाईकांनी केला आहे. याबाबत अधिक माहिती अशी तक्रारवाडी येथील काशीनाथ परदेशी यांची तब्बेत अचानक बिघडल्यामुळे त्यांना येथील प्राथमिक आरोग्य केंद्रामध्ये तपासणीसाठी आणण्यात आले. रुग्नाची परिस्थिती गंभीर असल्याचे सांगुन येथील वैदयकिय अधिकाऱ्यांनी रुग्नास इंदापुर येथील उपजिल्हा रुग्नालयांमध्ये नेण्याचा सल्ला दिला. अरोग्य विभागाची रुग्नवाहिका उपलब्ध नव्हती. नातेवाईकांनी अधिकारी व पदाधिकाऱी यांना विनवणी करुन रुग्नवाहिका उपलब्ध करुन देण्याची विनंती केली परंतु उपयोग झाला नाही. शेवटी जिल्हा परिषद हनुमंत बंडगर यांनी स्वतः प्राथमिक आरोग्य केंद्राकडे धाव घेत इंदापुरच्या तहसिलदार यांचेशी संपर्क साधुन रुग्नवाहिका उपलब्ध करुन देण्याची विनंती केली. अखेर चार तासांनी रुग्नवाहिका उपलब्ध झाली व रुग्नास इंदापुर येथील उपजिल्हा रुग्नालयांमध्ये उपचारासाठी नेण्यात आले. परंतु तोपर्यंत खुप उशिर झाला होता व तेथे पोहचल्यानंतर काही वेळातच रुग्नाचे निधन झाले. रुग्न वेळेत पोहचला असता तर जीव वाचला असता असे सांगुन रुग्नवाहिका उपलब्ध न झाल्यानेच रुग्नाचा जीव गेल्याचा आरोप नातेवाईकांकडुन होत आहे.

अंतिम वर्षाच्या विद्यार्थ्यांची परीक्षा असाइनमेंट बेस घ्या; मुख्यमंत्र्यांकडे कुणी केली मागणी?
    
याबाबत जिल्हा परिषद सदस्य हनुमंत बंडगर म्हणाले, रुग्नवाहिकेअभावी रुग्नांचा जीव जातो आहे ही अत्यंत दुदैवी बाब आहे. प्रशासनाने याकडे गांभीर्याने लक्ष देण्याची गरज आहे. तसेच कोरोनाशिवाय इतर रुग्नांनाही योग्य उपचार देण्याचा प्रयत्न केला पाहिजे.सध्या कोरोनाच्या पार्श्वभुमीवर येथील प्राथमिक आरोग्य केंद्रामध्ये एका अतिरिक्त रुग्नवाहिकेची व्यवस्था करावी