गोखलेनगर : माथाडी संघटनेचा कामगार असल्याचे सांगून ट्रकमधील माल खाली उतरवण्याच्या नावाखाली कंपनीच्या मालकाकडे 40 हजार रुपयांची खंडणी मागणाऱ्याविरुद्ध गुन्हा दाखल केला. दरम्यान, चतुःश्रृंगी पोलिसांनी आरोपीस अटक केली. 

ताज्या बातम्यांसाठी डाऊनलोड करा ई-सकाळचे ऍप

विकी दिलीप धोत्रे (रा.वडारवाडी) असे अटक केलेल्या संशयित आरोपीचे नाव आहे. याप्रकरणी विजय बाजीराव वाशिवाले (वय 30, रा.नवी मुंबई) यांनी फिर्याद दिली होती. पोलिसांनी दिलेल्या माहितीनुसार, फिर्यादी यांची "डब्ल्युएनएस पॅकींग ऍन्ड मुव्हींग' नावाची कंपनी आहे. त्यांच्या कंपनीतर्फे ग्राहकाच्या विविध प्रकारच्या मालाची ने-आण केली जाते.

फिर्यादी, त्यांचे सहकारी विशाल गंगावणे हे त्यांच्या कंपनीचा ट्रक मगरपट्टा येथून 200 संगणक भरुन तो शनिवारी सायंकाळी सात वाजण्याच्या सुमारास वडारवाडी येथील स्वस्तीक सोसायटीमध्ये उतरवित होता. त्यावेळी विकी धोत्रे हा तेथे आला. आपण माथाडी कामगार असून आपल्या परवानगीशिवाय माल उतरवू नये, तसेच माल उतरवायचा असल्यास 40 हजार रुपये द्यावे लागतील. त्याशिवाय गाडी जागेवरून जावू देणार नाही, अशा शब्दात त्याने ट्रकचालकास धमकी दिली. हा प्रकार गंभीर असल्यामुळे फिर्यादी यांनी तत्काळ चतुःश्रृंगी पोलिसांकडे याबाबत फिर्याद दाखल केली.

पुण्याच्या जावयाला मिळाली गृहमंत्रिपदाची जबाबदारी, पाहा कोण?

पोलिसांनी या प्रकरणाची दखल घेऊन धोत्रे यास तत्काळ अटक केली. त्याच्याविरुद्ध शिवीगाळ करुन जबरदस्तीने खंडणी मागितल्याचा गुन्हा दाखल करण्यात आला. या प्रकरणाचा तपास सहाय्यक पोलिस निरीक्षक बी.एस.शिंदे करीत आहेत