पुणे :  बेकायदा पिस्तुल बाळगुन त्याची विक्री करण्यासाठी आलेल्या गुन्हेगारासह त्याच्या साथीदाराकडुन स्वारगेट पोलिसांनी तब्बल 11 गावठी बनावटीचे पिस्तुल व 31 जिवंत काडतुसे असा साडे चार लाख रुपयांचा ऐवज जप्त केला. पोलिसानी याप्रकरणी चौघांना अटक केली आहे. बारक्या उर्फ प्रमोद पारसे, राजू जाधव (वय 20, रा. माणगाव, हवेली), बल्लूसिंग शिकलीगर ( रा. निमखेडी, बुलडाणा), लादेन उर्फ सोहेल मोदीन आसंगी (रा. टेल्को कॉलनी, कात्रज) अशी अटक केलेल्या संशयीत आरोपीची नावे आहेत. 

'चला मावळे घेऊन येऊ'; किल्ल्यांच्या चित्र खरेदीसाठी बालगोपाळात रमले खासदार!

वानवडी येथे बेकायदा शस्त्र बाळगल्याप्रकरणी गुन्हा दाखल झाला होता. त्याचा तपास केला जात असताना प्रमोद पारसे हा तरुण स्वारगेट पीएमपीएल बसस्थानकाजवळ त्याच्या मित्राची वाट पाहात असल्याची व त्याच्याकडे गावठी बनावटीचे पिस्तुल असल्याची खबर स्वारगेट पोलिसांना मिळाली. त्यानुसार पोलिसांनी प्रमोदला अटक केली. त्याच्याकडे चौकशी केली जात असताना अन्य आरोपींची नावे पुढे आली. त्यानुसार पोलिसांनी अन्य आरोपींना तत्काळ अटक केली आहे.