पुणे - पुणे विद्यापीठ चौकात दुमजली उड्डाणपूल उभारण्यासंदर्भातील प्रारूप आराखडा तयार करण्यात आला आहे. उपमुख्यमंत्री अजित पवार यांनी त्या आराखड्यास शुक्रवारी तत्त्वत: मान्यता दिली. यासंदर्भात वाहतूक पोलिसांशी चर्चा करून तो अंतिम करावा, अशा सूचनाही त्यांनी या वेळी पुणे महानगर क्षेत्र विकास प्राधिकरणाच्या (पीएमआरडीए) अधिकाऱ्यांना दिल्या.
- पुण्याच्या बातम्या वाचण्यासाठी येथे ► क्लिक करा
हिंजवडी ते शिवाजीनगर दरम्यान इलेव्हेटेड मेट्रो प्रकल्पाचे काम ‘पीएमआरडीए’ने हाती घेतले आहे. या योजनेतंर्गत विद्यापीठ चौकातील उड्डाणपूल अडथळा ठरत असल्याने तो नुकताच पाडण्यात आला. त्या ठिकाणी मेट्रोसाठी दुमजली उड्डाणपूल उभारण्याचे नियोजन ‘पीएमआरडीए’कडून करण्यात येत आहे. हे काम टाटा-सिमेन्स या कंपनीला देण्यात आले आहे.
उपमुख्यमंत्री पवार यांनी आज ‘पीएमआरडीए’ कार्यालयास भेट देऊन कामाचा आढावा घेतला. यावेळी टाटा-सिमेन्स या कंपनीकडून विद्यापीठ चौकात उभारण्यात येणाऱ्या नियोजित उड्डाणपुलाच्या प्रारूप आराखड्याचे सादरीकरण करण्यात आले.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.