PM Modi Pune Visit : पंतप्रधान नरेंद्र मोदी आज (१ ऑगस्ट) पुणे दौऱ्यावर आहेत. त्यांना आज लोकमान्य टीळक राष्ट्रीय पुरस्काराने सन्मानित केले जाणार आहे. यावेळी पुण्यातील प्रसिद्ध दगडूशेठ गणपती मंदिरात जाऊन दर्शन घेणार आहेत. दरम्यान मंदिर प्रशासनाकडून पंतप्रधान मोदींच्या स्वागतासाठी खास तयारी करण्यात आली आहे.

पंतप्रधान मोदी यांच्या भेटीच्या पार्श्वभूमिवर सकाळी सहा ते दुपारी एक वाजेपर्यंत सुरक्षेच्या दृष्टीने दगडूशेठ मंदिर भाविकांच्या दर्शनासाठी बंद असणार आहे. तसेच लाईव्ह प्रक्षेपण देखील बंद असणार आहे असे सांगण्यात आले आहे. दरम्यान दगडूशेठ हलवाई गणपती ट्रस्टकडून पुणेकरांना सहकार्य करण्याचे आवाहन देखील करण्यात आले.

दगडूशेठ गणपती मंदिरात पंतप्रधान मोदी येत असल्याने त्यांच्या स्वागतासोबतच सुरक्षेसाठी देखील बंदोबस्त ठेवण्यात आलेल्या आहे. तसेच शहरातील अनेक महत्वांच्या रस्त्यांवरील वाहतूकीमध्ये देखील बदल करण्यात आले आहेत. मोदींचं मंदिरात पारंपारिक पद्धतीने स्वागत करण्यात येईल. तसेच ढोल-ताशाच्या वादनानंतर पंतप्रधानांच्या हस्ते मंदिरात महापूजा आणि महाआरती करण्यात येईल.

असा असेल मोदींचा पुणे दौरा

सकाळी १० वाजता पंतप्रधान मोदी यांचं पुणे शहरात विशेष विमानाने आगमन होईल. तेथून हेलिकॉप्टरने कृषी महाविद्यालयाच्या हेलिपॅडवर येतील त्यानंतर सुमारे १०.४५ वाजता - श्रीमंत दगडूशेठ गणपती मंदिर, ११.३५ वाजता - एस. पी. महाविद्यालयात लोकमान्य टिळक राष्ट्रीय पुरस्कार कार्यक्रमास ते उपस्थित असतील.तर दुपारी १२.३० वाजता शिवाजीनगर पोलिस मुख्यालय मैदानावर मेट्रोच्या विस्तारित मार्गाचे उद॒घाटन त्यांच्या हस्ते होईल नंतर पंतप्रधान आवास योजनेतील सदनिकांच्या लोकार्पण सोहळ्यास उपस्थिती लावतील.