पुणे : रुग्णालयात बेडस्‌ मिळत नाहीत, तातडीने दाखल करून घेतले जात नाही,या तक्रारींवर आता महापालिकेने कायमस्वरूपी तोडगा काढण्याचा निर्णय घेतला आहे. सरकारी असो की, खासगी रुग्णालय प्रत्येक रुग्णाला केंद्रीय पद्धतीने रुग्णालयात दाखल केले जाणार आहे. त्यामुळे तुम्हाला बेडस्‌ उपलब्ध करून देण्याची जबाबदारी महापालिकेने स्वत:वर घेणार आहे.

ताज्या बातम्यांसाठी डाऊनलोड करा ई-सकाळचे ऍप 
पुण्याच्या बातम्या वाचण्यासाठी येथे क्लिक करा  
 
मुंबईच्या धर्तीवर ही केंद्रीय पद्धत पुण्यातही राबविण्याचा निर्णय महापालिकेने घेतला आहे. नुकतीच महापालिकेतील अधिकाऱ्यांची बैठक झाली. त्यामध्ये या पद्धतीवर चर्चा झाली. लवकरच ही पद्धत पुण्यात दोन पातळ्यांवर राबविण्याचा विचार सुरू आहे. त्यामध्ये पहिल्या टप्प्यात सर्व क्षेत्रीय कार्यालयांच्या स्तरावर ही योजना आणि त्यानंतर महापालिकेच्या स्तरावर रुग्णांना बेडस्‌ उपलब्ध करून देण्याचा विचार करण्यात आला आहे. 

खासगी रुग्णालयांमध्ये बेडस्‌ उपलब्ध होत नाही. दाखल करून घेतले जात नाही, अशा अनेक तक्रारी महापालिका आणि जिल्हा प्रशासनाकडे मोठ्या प्रमाणावर येत आहेत. अनेकदा आवश्‍यकता नसतानाही काही जण विनाकारण रुग्णालयातील बेडस्‌ अडवून बसले आहेत. त्यामुळे देखील अतिजोखमीच्या रुग्णांना तातडीने उपचार मिळण्यास अडचणी निर्माण होतात. मुंबई मध्ये सरकारी अथवा खासगी रुग्णालयांमध्ये रुग्णांना दाखल करण्यासाठी केंद्रीय पद्धत राबविण्यात आली आहे. त्यामुळे रुग्णांना देखील रुग्णालयात दाखल होण्यासाठी वणवण फिरावे लागणार नाही. तसेच अतिजोखमीच्या रुग्णांनाही तातडीने दाखल करून उपचार मिळण्यास मार्ग मोकळा होणार आहे. 

Video : मान-प्रसिद्धी देऊ शकत नाही दोनवेळची भाकर; कलाकारांवर आली बोंबिल-सुकट विकण्याची वेळ!

''मुंबईत कोरोना विषाणूचा उद्रेक नियंत्रणासाठी केलेल्या उपाययोजना आता पुण्यात करण्याचे विचाराधीन आहे. त्याचाच एक भाग म्हणून केंद्रीय पद्धतीने रूग्णाला दाखल करून घेण्याबाबत चर्चा सुरू आहे.''
- डॉ नितीन बिलोलीकर ( आरोग्य प्रमुख, पुणे महापालिका)