पिंपरी - विमा कंपनीने भरपाई दिलेली अपघातग्रस्त वाहने कागदपत्रांसह विकत घ्यायची. मग तसेच मॉडेल, रंग असलेले वाहन चोरून त्यावर अपघातग्रस्त वाहनाच्या चासीचा नंबर लावून विक्री करायची, अशी शक्कल लढविणाऱ्या हायप्रोफाईल चोरट्याला पोलिसांनी रावेतला जेरबंद केले. तो विमानाने परराज्यांत जाऊन मोटारी चोरायचा आणि त्या चालवत आणायचा.
चनप्रीत हरविंदरपाल सिंग (वय ४३, रावेत) असे त्याचे नाव आहे. त्याच्याकडून १२ आलिशान मोटारी व १५ मोटारींची इंजिन असा सुमारे सव्वा दोन कोटींचा मुद्देमाल जप्त करण्यात आला. यामागे आंतरराज्य टोळी असल्याचा गुन्हे शाखा युनिट एकच्या पथकाला संशय असून, त्याच्या साथीदारांचा शोध सुरू आहे. चनप्रीत चोरीची वाहने रावेतमधील गणेशनगर येथील गॅरेजमध्ये विक्रीस ठेवायचा. पंजाब, हरियाना, दिल्ली अशा राज्यांत विमानाने जाऊन तो एक मोटार चोरून ती चालवत आणायचा.
या गॅरेजमध्ये चोरलेली दोन वाहने असल्याची माहिती मिळताच पोलिसांनी छापा टाकून चनप्रीतला ताब्यात घेतले. चनप्रीत हा पंजाब पोलिसांच्या रेकॉर्डवरील गुन्हेगार असून, त्याच्यावर मोटार चोरीचे दहा गुन्हे दाखल आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.