खडकी बाजार (पुणे) : देशात कोरोना विषाणूने कहर केला आहे. सध्या लॉकडाउन सुरू असल्याने सर्वधर्मीयांनी बाहेर न पडता घरात राहूनच सण साजरे करावे असे सरकारने आदेश जारी केला आहे. सोमवारी (ता. 25) मुस्लिम बांधवांचा पवित्र सण रमजान ईद ही घरात राहूनच साजरी करण्यात आली.
ईदच्या दिवशी नमाज पठण झाल्यानंतर मुस्लिम बांधव कब्रस्तानमध्ये जाऊन त्यांच्या पूर्वजांच्या कबरींवर फुले वाहून आदरांजली वाहतात. मात्र, यावेळी लॉकडाउन आहे यासाठी खडकी पोलीस ठाण्याचे वरिष्ठ पोलीस निरीक्षक भागवत मिसाळ व सहाययक पोलीस निरीक्षक हरीश ठाकूर यांनी स्वत: खडकीतील महादेववाडी येथील कब्रस्तानमध्ये जाऊन सर्व कबरींवर फुले वाहिली व खडकीकरांना खाकी वर्दीतील माणुसकीचे दर्शन घडवले.
पुण्याच्या बातम्या वाचण्यासाठी येथे ► क्लिक करा
यावेळी खडकी कॅन्टोन्मेंट बोर्डाचे सदस्य मनीष आनंद व खडकीतील मुस्लिम समाज बंधाव उपस्थित होते. खडकी पोलिसांनी खडकीत ईदनिमित्त मुस्लिम बांधवाना आवाहन केले होते. ईदला नमाज पठण इदगाह मैदानावर न करता प्रत्येकाने आपल्या घरातच नमाज पठण करावे पोलिसांच्या आवाहनाला खडकीतील मुस्लिम बांधवानी पूर्णपणे प्रतिसाद दिला व शांततेत ईद साधेपणाने साजरी करून सर्वांपुढे एक आदर्श निर्माण केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.