बारामती : शहरात येणा-या आणि बाहेर जाणा-यांवर आता पोलिसांची करडी नजर राहणार आहे. शहरातील टोल नाक्यांवर पोलिसांच्या वतीने लोकवर्गणीतून नाईट व्हिजन कॅमेरे बसविले जाणार आहेत.
- पुण्याच्या बातम्या वाचण्यासाठी येथे ► क्लिक करा
शहरातील वाढत्या सोनसाखळी व मोटारसायकल चो-यांना प्रतिबंध करण्यासाठी बारामती शहर पोलिस ठाण्याचे पोलिस निरिक्षक नामदेव शिंदे यांनी पुढाकार घेतला आहे. शहरातून मोटारसायकली चोरुन त्या बाहेर नेल्या जातात, सोनसाखळी चोरही बाहेरून येत शहरात गुन्हे करतात. अनेकदा या चोरांना शोधणे अवघड होऊन बसते. त्या दृष्टीने शहरातून बाहेर पडणा-या आणि शहरात येणा-या प्रत्येक वाहनावर पोलिसांचे लक्ष असणे गरजेचे आहे, त्या उद्देशाने येत्या तीन दिवसात हे कॅमेरे बसविले जाणार आहेत.
बारामती शहरात गेल्या काही दिवसात मोटारसायकल व सोनसाखळी चोरीच्या घटना वाढल्यामुळे पोलिसांनी या चो-या रोखण्यासाठी विविध उपाययोजना हाती घेतल्या आहेत. यासाठीच आता अधिक ताकदीचे व नाईट व्हिजन कॅमेरे बसविले जाणार आहेत. वायफाय प्रणालीअंतर्गत हे कॅमेरे असून त्याचे समन्वयन शहर पोलिस ठाण्यातून केले जाणार आहे. शहर पोलिस ठाण्यात येणा-या जाणा-या वाहनांवर 24 तास लक्ष ठेवले जाणार आहे.
या कँमे-यांची ताकद अधिक असल्याने अंधारातही गाडीची नंबरप्लेट अचूकपणे टिपण्याची त्यांची क्षमता असेल, असे नामदेव शिंदे यांनी सांगितले. बारामती शहरात येणा-या संशयित गुन्हेगारांवरही या मुळे नजर ठेवणे सोपे जाणार आहे. बारामती शहरातील दौंड, इंदापूर, भिगवण, मोरगाव, फलटण, नीरा रस्त्यांवर हे कँमेरे बसविले जाणार आहेत.
गुन्हेगारीवर वचक राहिल...
या कँमे-यांच्या मदतीने पोलिसांचे शहरातून आत बाहेर करणा-या गुन्हेगारांवर लक्ष राहू शकेल. चो-या रोखण्यासाठी या कँमे-यांचा उपयोग होणार आहे. विशेष म्हणजे लोकवर्गणीतून हे कॅमेरे बसविले जाणार आहेत.
(संपादन : सागर डी. शेलार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.